Të gjithë modelet e Google Pixel kanë marrë shumë lëvdata që nga prezantimi i parë në Tetor 2016. Por, me gjithë këto “komplimente”, Google Pixel janë raportuar shpesh për probleme me Bluetooth.
Update dhe rregullime të tjera të ndryshme kanë dalë gjatë 12 muajve të shkuar, dhe duket se pjesa më e madhe e probleme, janë zgjidhur tashmë. Për fat të keq, mardhëniet e këqia me Bluetooth të Google Pixel, filluan me prezantimin e Android Oreo 8.0 në Gusht 2017.
Lexoni: Android Auto vs. Apple CarPlay. Estetika kundër funksionalitetit
Në këtë kohë, përdoruesit e gjeneratës së 1 të Pixel, vërshuan me postime në forumin e Google për problemet me lidhjen me Bluetooth. Orrin, community manager i Google u shpreh se të gjitha këto probleme do të zgjidheshin në update e Tetorit, së bashku me problemet e tjera të raportuara.
Ndëkohë sot, pak muaj më pas dhe me daljen e 8.1, shumë përdorues vazhdojnë të raportojnë probleme. Me një vështrim të shpejtë janë më shumë se 1000 përdorues të Google Pixel që kanë probleme me Bluetooth. Shumica prej tyre, raportojnë probleme në lidhjen e smartphone me makinën. Disa raportojnë se ata nuk munden të lidhën fare me sistemin e multimedias së makinës. Disa të tjerë munden, por gjithçka shkëputet pasi vjen një njoftim në smartphone. Për fat të keq, edhe disa përdorues të Nexus 6P raportojnë probleme të tilla.
Disa të tjerë raportojnë se update 8.1 nuk ka sjellë ndryshime të dukshme. 8.1, u bë i aksesueshëm javën që kaloi për Nexus por edhe për Pixel.
Burimi: Android Authority
