Google po kërkon t’i lërë pas fjalëkalimet duke i nxitur përdoruesit të krijojnë “passkeys” për të hapur llogaritë dhe pajisjet me shenjën e gishtit, skanim fytyre ose numër pin.
Google tha se passkeys nuk u kërkojnë përdoruesve të mbajnë mend fjalëkalimet, janë më të shpejtë në përdorim dhe mund të ofrojnë më shumë siguri. Kompania zbuloi mbështetjen për passkeys në maj, por njoftoi në një postim në blog se përdoruesve tani do t’u kërkohet të përdorin opsionin ku zakonisht përdoren fjalëkalimet.
“Ne do të vazhdojmë të inkurajojmë industrinë që të bëjë orientimin drejt passkeys – duke i bërë fjalëkalimet një gjë të rrallë dhe përfundimisht që t’i përkasin të kaluarës”, shkroi Google.
Tashmë passkeys përdoren si alternativa fjalëkalimi për aplikacionet duke përfshirë YouTube, Search, Maps, Uber dhe eBay. WhatsApp po shton gjithashtu këtë aftësi, sipas blogut.
Aleanca FIDO, një konsorcium sigurie që numëron shumë firma teknologjike si anëtarë, ka zhvilluar më parë standarde për passkeys. Microsoft, Apple dhe Google që atëherë kanë punuar për të bërë realitet passkeys.
Apple shpalosi opsionin e tij të passkey me lancimin e iOS 16, duke i lejuar njerëzit të përdorin teknologjinë nëpër aplikacione, duke përfshirë Apple Wallet, dhe mbështetja e passkey u shfaq për herë të parë në pajisjet Chrome dhe Android në tetor 2022.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English