Në spotin e ri që është transmetuar ndërkombëtarisht nga 1 Maji, Lavazza ka vendosur të bazohet tek zëri dhe fjalët e të famshmit Charlie Chaplin, bërë në diskutimin final të filmit “Diktatori i Madh”. Një fjalim drejtuar njerëzimit në vitin 1940.
Fushata e re publicitare shënon një kapitull të ri për komunikimin e Lavazza-s, falë një përmbajtje të fortë. Ajo është vlerësuar si një qasje kreative me ndikim të madh dhe një gjuhë bashkëkohore që interpreton dhe promovon vlerat universal, pjesë integruese e vizionit të Brandit.
“Duke folur duam të shkojmë në zemrat e njerëzve me një mesazh pozitiv që vjen nga e shkuara”, ka theksuar Carlo Colpo, Drejtor i Marketingut dhe Komunikimit për grupin.
Lavazza merr kështu një pozicion dhe vendos të shkojë përtej rolit të besuar të komunikimit të markës duke u bërë zëdhënës i një apeli të fuqishëm në favor të ndjeshmërisë individuale. “Kjo është nisja e një epoke të re të njerëzimit, ku progresi, mbështetja dhe toleranca bëhen bazat mbi të cilat themelohet rilindja e ardhshme”.
Lexo: Spoti i Nike: “Duaje ëndrrën tënde derisa ajo të të dojë ty”
#TheNewHumanity” është koncepti që do të frymëzojë prej sot projekte të ndryshme të Lavazza-s, mes të cilave edhe kalendarin e ri 2021.
Fushata ka si protagonist edhe pamje historike të realizuara nga Steve McCurry, nga Dennis Stock e Jerome Sessini nga kompania Magnum Photos, ndërsa shoqërohet nga notat e “Rain, in your black eyes” të muzikantit Ezio Bosso.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
