Gjermania këtë javë deklaroi se synon të bëhet furnizuesi dhe prodhuesi numër një në teknologjinë e hidrogjenit të gjelbër, falë një plani prej nëntë miliardë eurosh për të mbështetur këtë teknologji, për të dekarbonizuar industrinë e saj dhe për të stimuluar ekonominë, pas pandemisë nga COVID- 19.
“Për arsye të konkurrencës dhe veçanërisht për të arritur objektivat e saj klimatikë, qeveria ka rënë dakord të pompojë nëntë miliardë euro (10.2 miliardë dollarë) në teknologji’’, theksoi ministri i Ekonomisë, Peter Altmaier, në një konferencë shtypi’’.
Shtatë miliardë euro do të shkojnë për të mbështetur hyrjen e hidrogjenit në tregun gjerman, ndërsa dy miliardë euro të tjera janë ndarë për “partneritete ndërkombëtare”, shtoi Altmaier. Hidrogjeni i gjelbër shihet nga Berlini si një lidhje kryesore në zinxhirin midis gjenerimit të energjisë së rinovueshme dhe përdoruesve, duke lejuar magazinimin dhe transportimin e energjisë së krijuar nga dielli ose era.
E ashtuquajtura hidrogjeni “jeshil” prodhohet me elektrolizë – duke përdorur energji elektrike të rinovueshme për të ndarë ujin në hidrogjen dhe oksigjen – në vend se të prodhohet nga burimet fosile, siç ka ndodhur historikisht.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
