Të martën, qeveria gjermane prezantoi teknologjinë e re në një distancë të Autobanit prej 10 kilometrash afër qytetit të Frankfurtit. Kjo teknologji përdor kabllot 670-volt me rrymë të vazhdueshme që lejojnë kamionët elektrikë të tërheqin energji dhe të mbushin bateritë e tyre në lëvizje.
Programi, i quajtur Elisa (trafiku inovativ i elektrizuar në autoban), është një projekt i sponsorizuar nga Ministria për Mjedisin që përfshin gjigantin elektronik Siemens dhe autoritetet nga shteti i Hesse, ku edhe po zhvillohet projekti.
Kamionët – të cilët kanë shufra përçues të quajtur pantografë, të shtuar në majë të kabinës – duhet të rrugëtojnë për më pak se 90 kilometra në orë për të bërë një lidhje të suksesshme. Kur janë të lidhur, ata drejtohen vetëm me energji elektrike. Kur kthehen në autostradën normale, ata kthehen në motorët e tyre hibrid.
Siemens tha se teknologjia mund t’i kursejë një kamioni 40 tonësh 20,000 euro (22,000 dollarë) në shpenzimet e karburantit për më shumë se 100,000 kilometra. Ai gjithashtu tha se nëse një shofer lëviz në ulësen e majtë apo të djathtë ndërsa është i lidhur me kabllot, nuk do të shkëputet. Shtrirja 6 milje e Autobanit A5 do të testohet deri në vitin 2022, ku pastaj do të merret vendimi për ta zgjeruar apo jo projektin, i cili deri tani i ka kushtuar qeverisë gjithsej 14 milionë euro. Gjermania gjithashtu shpenzoi 70 milionë euro (77 milionë dollarë) për të ndërtuar një kamion të veçantë hibrid me kompanitë Scania dhe Volkswagen.
Kjo video nga Siemens tregon se si projekti synon të lidhë portet me qytete duke përdorur kamionët dhe autostradën.
Ministria e Transportit të Gjermanisë kohët e fundit botoi një studim ku 80% e trafikut të kamionëve të Gjermanisë së shpejti mund të elektrizohet, sipas Deutsche Welle.
Dy korsi eHighway tashmë janë duke u ndërtuar. Njëri në rajonin verior të Schleswig-Holsteinit, tjetri në Baden-Vyrtemberg, në Gjermaninë jugperëndimore.
Gjermania tha se donte të zvogëlonte emetimet e gazrave serë deri në 2020, me 55% deri në vitin 2030, dhe deri në 95% deri në vitin 2050, krahasuar me nivelet e vitit 1990.
Siemens gjithashtu ka gjykuar eHighway në Carson, California, në nëntor 2017.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
