Qeveria gjermane do të shpenzojë 750 milionë euro për kërkimet shkencore për gjetjen dhe më pas shpërndarjen e një vaksine kundër Covid-19.
Lajmin e bëri me dije ministrja e Kërkimit Anja Karliczek.
Rreth 500 milionë euro do të shkojnë drejt zgjerimit të kapaciteteve për krijimin dhe testimin e vaksinës dhe pjesa tjetër e parave do të jetë për zhvillimin e kapacitetit prodhues.
“Sapo të zbulohet dhe aprovohet një vaksinë, prodhimi duhet të fillojë sa më shpejt, në një shkallë të gjerë si në Gjermani ashtu edhe në mbarë botën,” tha ministrja Karliczek.
Lexoni: Businessmag.al, vjen me një platformë të re, më praktike për ju
Një ndër qëllimet kryesore të programit të ri të financimit është të lejojë që testimet klinike të nisin me një numër më të madh pjesëmarrësish që nga fillimi. Personeli mjekësor ose punëtorët e tjerë thelbësorë mund të përfshihen në testime në baza vullnetare, tha Karliczek.
Gjermania është një nga një shtetet, që po shpenzon më shumë për gjetjen e një vaksine kundër Covid-19. Sipas Shoqatës Gjermane të Kompanive Farmaceutike, aktualisht në botë po punohet në 121 programe kërkimore për gjetjen e një vaksine.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
