Gjermani, shënohet vdekja e parë nga një sulm kibernetik

Një sulm kibernetik i nisur në një spital në Gjermani ka çuar në vdekjen e një gruaje, duke e bërë atë ndoshta vdekjen e parë të lidhur me sulmet kibernetike. Sulmet kibernetike që janë në rritje në të gjithë globin, janë shkaku i humbjeve financiare dhe mungesës së produktivitetit. Autoritetet gjermane aktualisht po hetojnë vdekjen e një pacienteje pas sulmit kibernetik në Spitalin Universitar të Dyseldorf. Mediat gjermane raportuan se për shkak të sulmit kibernetik, spitali urdhëroi mbylljen e dhomës së urgjencës. Ndërsa ishte e mbyllur, një grua, që kishte nevojë urgjente për kujdes mjekësor urgjent, mbeti e bllokuar dhe më pas iu nënshtrua sëmundjes së saj. Krahas kësaj ngjarje tragjike, spitali akuzohet se nuk ka qenë në gjendje të trajtojë dhe shpëtojë pacientët.

LEXO: Hackerë të mbështetur nga Kina me objektiv fushatën elektorale Biden

Javën e kaluar, 30 servera në spital u kodifikuan me një shënim shpërblimi. Sulmuesit lanë informacione kontakti, por asnjë shifër. Pas vdekjes së pacientes, policia u afrua autorëve dhe i informoi ata se kishin sulmuar një spital. Më pas hakerat tërhoqën kërkesat e tyre për shpërblim dhe zhbllokuan serverat, duke i dhënë fund sulmit. Aktualisht, besohet se spitali u prek aksidentalisht, megjithatë kjo nuk e justifikon sulmin. Shërbimet Shëndetësore Universale nuk iu përgjigjën menjëherë kërkesave për komente, por postuan një deklaratë në faqen e internetit që rrjeti i kompanisë “aktualisht është jashtë linje, për shkak të një çështjeje të sigurisë.

Ransomware është një formë sulmi kibernetik që enkripton skedarët e një viktime – për shembull, skedarët e fjalëkalimeve që bëhen të palexueshme. Hakeri më pas kërkon një shpërblim nga viktima. Përdoruesve u jepen udhëzime se si të paguajnë një tarifë për të marrë ‘çelësin e dekriptimit’. Kostot mund të shkojnë nga disa qindra euro deri në mijëra, që zakonisht paguhen në internet në monedhën Bitcoin.

Euroweeklynews