Gjenerata X: Luks nuk janë më produktet, por liria dhe përvojat

Një studim i ri tregon se për Gjeneratën X, ata që sot janë rreth 45–60 vjeç, luksin nuk e përkufizojnë më blerjet me status, por përvojat dhe liria për të bërë atë që duan.

Sipas një ankete nga Publicis Luxe dhe OpinionWay, kjo gjeneratë, e pozicionuar mes Baby Boomers dhe millennialëve, po e orienton gjithnjë e më shumë buxhetin e saj drejt investimit tek vetja, jo tek produktet premium.

Pse ka rëndësi ndryshimi i perceptimit për luksin?

Ideja e luksit është duke ndryshuar. Ai nuk lidhet më vetëm me sende të shtrenjta që shprehin status, por me experienca që pasurojnë jetën. Shembulli më i dukshëm vjen nga Kina, ku markat tradicionale të luksit po hasin vështirësi të lidhen me konsumatorë të goditur nga rënia e tregut të pasurive të patundshme dhe kërkesa e dobët në tregtinë me pakicë.

Lexo edhe: Pas Australisë, edhe Malajzia do të ndalojë rrjetet sociale për personat nën 16 vjeç

Kërkimet e WARC tregojnë se luksin modern e përkufizon më shumë identiteti dhe ndjesia, jo vetëm çmimi. Kjo do të thotë se markat duhet të jenë më të vëmendshme ndaj ndryshimeve kulturore dhe nevojave psikologjike të konsumatorëve, duke ofruar përvoja të cilësisë së lartë në çdo pikë të udhëtimit të blerjes.

Gjetjet kryesore të studimit

• 70% e të anketuarve nga Franca dhe SHBA e lidhin luksin me përvoja si udhëtimi ose koha cilësore me të dashurit.

• 43% e amerikanëve thonë se preferojnë përvojat ndaj sendeve materiale.

• Më pak se 10% e konsiderojnë blerjen e luksit si investim të mirëfilltë.

• 49% e francezëve preferojnë blerje të rafinuara, të thjeshta dhe të rezervuara.

• Në Kinë, një e treta e të anketuarve thonë se “inovacioni” është cilësi kyçe që i shtyn t’i besojnë një produkti luksoz.

• Shumica e të gjitha rajoneve pajtohen se “të jesh i lirë të bësh atë që do” është forma më e vërtetë e luksit sot.

Studimi është realizuar në SHBA, Emiratet e Bashkuara Arabe, Francë dhe Kinë.

Burimi: Publicis Luxe dhe OpinionWay