Çdo vit, Google publikon një raport që nxjerr në pah termat më të kërkuar, duke ofruar një pamje të qartë të asaj që ka tërhequr më shumë vëmendjen dhe kureshtjen tonë kolektive, nga pop kultura dhe argëtimi, tek trendet e internetit dhe ngjarjet më të rëndësishme të vitit. Këtë vit, përdoruesit në mbarë botën kanë kërkuar gjithçka, nga hot honey dhe chatbot-ët e inteligjencës artificiale, deri te Toronto Blue Jays.
Është e rëndësishme të theksohet se raporti i Google nuk rendit termat më të kërkuar në përgjithësi. Nëse do ta bënte këtë, lista do të ishte e mbushur me kërkime të zakonshme si “weather”. Përkundrazi, “Year in Search” vë në pah termat që kanë shënuar një rritje të qëndrueshme të kërkimeve në vitin 2025 krahasuar me 2024. Sipas Google, termi më trend i vitit ka qenë “Gemini”, chatbot-i i inteligjencës artificiale i Google. Pas tij renditen “India vs England” dhe “Charlie Kirk”. Ndërkohë, edhe chatbot-e të tjera si DeepSeek kanë hyrë në listë, duke u pozicionuar në vendin e shtatë.
Lexo edhe: Nvidia ka një problem me paratë, ka më shumë seç duhet!
Në kategorinë e lajmeve, Google raporton se Charlie Kirk ka qenë tema më e kërkuar, ku termi “Charlie Kirk assassination” kryeson listën. Pas tij vijnë “Iran” dhe “US Government Shutdown”. Sa i përket ushqimit dhe recetave, vendin e parë e zuri kombinimi i ëmbël–pikant hot honey, ndërsa “Marry Me Chicken” dhe “chimichurri” plotësojnë top-treshen. Në kategorinë e filmave, termi më i kërkuar ishte “Anora”, i ndjekur nga “Superman” dhe “Minecraft Movie”. Ndërkaq, aktorja më e kërkuar e vitit ka qenë Mikey Madison, protagonistja e “Anora”. Lewis Pullman, i cili luan në filmin e Marvel “Thunderbolts”, renditet i dyti, ndërsa vendi i tretë i takon Isabela Merced nga “Superman”.
Në sport, “FIFA Club World Cup” kryesoi kërkimet globale, i ndjekur nga “Asia Cup” dhe “ICC Champions Trophy”. Sa i përket ekipeve sportive, Paris Saint-Germain F.C. ishte skuadra më e kërkuar, me S.L. Benfica dhe Toronto Blue Jays në vend të dytë e të tretë. Në botën e podcasteve, termi më i kërkuar ishte “The Charlie Kirk Show”, i ndjekur nga “New Heights” i Jason dhe Travis Kelce dhe “This is Gavin Newsom”.
Në botën e librave, kërkimi më trend i vitit ishte romani i Colleen Hoover, “Regretting You”. Pas tij renditen “Onyx Storm” i Rebecca Yarros dhe “Lights Out” i Naveesa Allen.
Raportin e plotë mund ta gjeni këtu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
