Projekti privat më i madh në vend po shkon drejt përfundimit. Konsorciumi TAP AG bën të ditur se rreth 98% e shtrimit të tubacionit në Greqi dhe Shqipëri ka përfunduar.
Sipas deklaratës, “750 km nga 765 km në total (rreth 98 për qind të rrugës tonë në Greqi dhe Shqipëri) tani janë ulur në brazdë. TAP do të ndihmojë integrimin dhe diversifikimin e furnizimit të energjisë në Europë dhe përmirësimin e sigurisë së energjisë”.
Konsorciumi TAP AG është angazhuar në ndërtimin e gazsjellësit që do të transportojë gazin nga fusha e Shah Deniz, Azerbajxhan në Europë.
Vlera totale e invesitmit arrin në 4.5 miliardë euro, duke e bërë atë mes projekteve prioritare të Europës në fushën e energjisë.
Tubacioni, lidhet me tubacionin e gazit natyror Trans Anatolian (TANAP) në kufirin turko-grek, duke kaluar përmes Greqisë, Shqipërisë dhe Detit Adriatikderi në jug të Italisë.
Pak ditë më parë përfundoi me sukses lidhja e dy gazsjellësve TAP dhe TANAP.
TAP ka një gjatësi 878 kilometra (Greqi 550 kilometra, Shqipëria 215 kilometra, Deti Adriatik 105 kilometra, dhe Italia 8 kilometra).
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
