NATO po feston 70 vjetorin. Ky moment historik do të përputhet me 20 vjetorin e vendosjes së KFOR-it në Kosovë. Kjo është një nxitje e shkëlqyeshme për të ofruar këtë mundësi unike duke ftuar profesionistët e rinj të paraqesin esetë e tyre.
Interesi është të dihet se si e perceptoni NATO-n, çfarë do të thotë NATO për ju, cila është rëndësia e NATO-s si ofrues i sigurisë në Kosovë dhe më e rëndësishmja ne duam të lexojmë dhe të ndajmë përvojën dhe historinë tuaj personale lidhur me vendosjen e NATO-s dhe KFOR-it në Kosovë.
Udhëzimet e përgjithshme:
Konkursi i eseve është i hapur për të gjithë studentët dhe të diplomuarit (mosha 18 – 24)
Autorët duhet të dorëzojnë një ese prej 800-1200 fjalë për këtë temë. Ese-të me më shumë se 1200 fjalë nuk do të merren parasysh.
Esetë duhet të shkruhen duke përdorur: Times New Roman 12, double space.
Shënimet në fund të faqes duhet të integrohen në tekst duke përdorur: Harvard Style.
Shkruani esenë në gjuhën shqipe ose angleze.
Jini origjinal dhe ndani përvojën dhe historinë tuaj.
Çmimi:
Tri esetë më të mira do të marrin nga 150 Euro dhe një Certifikatë.
Si të aplikoni?
Dërgoni esenë tuaj së bashku me një dokument identifikimi (Letërnjoftim, Pasaport apo ID e Universitetit) tek donika.emini@qkss.org jo më vonë se 17 maj 2019 në 23:59.
Cili është përfitimi juaj?
Tri esetë e zgjedhura nga të dy grupet e pyetjeve do të shqyrtohen nga ekspertë dhe do të publikohen në faqen e Facebook të QKSS-së. Nëse jeni i interesuar për një karrierë në Hulutim dhe shkrime, shqyrtimi nga një ekspert i eseve është një përvojë e çmuar. Përveç kësaj, duke pasur një artikull të botuar në një botim të shquar, si QKSS dhe NATO PDD, do t’ju ndihmojë të zhvilloni dhe të vazhdoni karrierën në sektorin e sigurisë.
Esetë fituese do të zgjidhen nga një juri e ekipit hulumtues të QKSS- së. Fituesit do të shpallen në faqën e Facebook-ut të QKSS-së jo më larg se 10 ditë pas përfundimit të afatit.
Afati për dorëzim: 17 maj 2019
Ky aktivitet mbështetet nga Divizioni i Diplomacisë Publike të NATO-s (NATO PDD) dhe zbatohet nga Qendra Kosovare për Studime të Sigurisë (QKSS).
/Kosovar Center for Security Studies-KCSS
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
