Skenari: Po takoni për herë të parë një klient, konsumator apo investitor potencial. Jeni futur në zyrën e tyre. Uleni, shikoni vërdallë, vini re një foto që spikat, një model anijeje kozmike apo një flamur të një skuadre. Për të thyer akullin dhe për të ndërtuar marrëdhënie, ju thoni gjëra si:
“Uau, sa foto e bukur”.
“A je tifoz i kësaj skuadrës?”
Lëvizje e gabuar.
Biseda të tilla ju bëjnë të dukeni të mërzitshëm dhe jo-origjinalë. Qindra të tjerë janë përpjekur t’a thyejnë akullin duke folur për këto gjëra, aq sa klienti është mërzitur prej tyre. Ju nevojitet një përgjigjie entuziaste, që do t’ju shërbejë të ndërtoni raporte. Ajo që merrni në vend të kësaj është një mbyllje bisede me takt, “Po, e kam dhuratë”.
Edhe nëse futeni në bisedë duke folur për gjëra të tilla, është e pamundur të kaloni nga “Çfarë mendoni për këtë ekip”, në “Cilat janë problemet më të mëdha të biznesit tuaj?”, (apo pyetje të tjera lidhur me biznesin).
Lexoni: Si të mahnisni klientët e ardhshëm në takimin e parë
Çfarë duhet të bëni në vend të kësaj? Është e thjeshtë: Kërkoni për background-in e klientit dhe niseni bisedën duke e pyetur për diçka që ka bërë në të shkuarën, diçka ideale që ka potencialin për t’a orientuar bisedën drejt gjërave për të cilat doni të flisni.
Ja disa shembuj:
“Kur bëra kërkimet e mia për këtë takim, vura re që keni folur për Poiuyts në konferencën e Veeblefetzer dy vjet më parë. Kjo është një çështje që hap shumë diskutime, prandaj jam kurioz t’a di sesi u prit prezantimi juaj”.
“Në profilin tuaj të LinkedIn lexova se keni punuar në sektorin e pajisjeve mjekësore para se të lëviznit tek teknologjia. Jam i bindur që këto industri kanë shumë të përbashkëta, por nuk mund të ndaloj së menduari se ka disa ndryshime në mënyrën sesi këto dy industri operojnë”.
“Kam dëgjuar se keni punuar në skuadrën e zhvillimit të Potrezebie. Ndërkohë që punonit për të, a e dinit se do të kishte kaq shumë sukses?”
Kjo mënyrë ju ofron 3 avantazhe:
Tregon se keni bërë kërkime të mjaftueshme për takimin.
I mundëson klientit të flasë rreth temës së tij të preferuar, apo vetes së tij.
Meqë nuk po e nisni bisedën duke folur për biznes, ju jep më shumë mundësi t’a vazhdoni atë duke folur për çështje biznesi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
