Fundjava në këto qytete Europiane është më e lirë

Çfarë keni prioritet kur planifikoni një udhëtim në Europë? Ushqim të mirë? Arkitekturën? Mikëpritjen?

Çfarëdo të thoni, çmimi është ai që llogarisim sa herë duam të rezervojmë bileta për një destinacion të panjohur.

Posta e Mbretërisë së Bashkuar ka postuar “Barometrin vjetor të kostove të qyteteve”, duke e krahasuar atë që vizitorët duan për një fundjavë me atë që çdo qytet europian ka për të ofruar – nga kostoja e një kafeje deri tek tarifat e hyrjes në muze dhe akomodimi në hotele me tre yje për dy të rritur.

Kryeqyteti i Lituanisë njihet për qytetin e vjetër pikturesk, arkitekturën baroke, artin në rrugë dhe historinë e larmishme.

Post Office raporton se për në Lituani ju mund të fluturoni për 2.28$, plus për dy netë akomodimi në një hotel me tre yje për dy persona do të kushtojë 91$. Kostoja totale sipas Post Office është 191.85 dollarë.

Kostot e ushqimit në Greqi janë më të ulëtat në Europë për të dytin vit rradhazi. Pra, ju mund të porosisni ushqime tradicionale bashkë me një gotë verë vendi pa u shqetësuar për buxhetin.

Stambolli mbetet një nga vendet më të lira për të bërë pushime fantastike. Ky destinacion mjaft i frekuentuar edhe nga shqiptarët renditet në vendin e katërt.

Në fund të renditjes ndodhet Rejkjavik, kryeqyteti i Islandës dhe qyteti më i shtrenjtë në Europë.

Ju mund të shpenzoni rreth 602.33 dollarë për një fundjavë në tokën e akullit dhe borës.

Këto janë 10 qytetet më të lira për të kaluar një pushim fundjave, sipas Post Office:

1. Vilnius, Lituani — £147.35 ($191.92)
2. Beograd, Serbi — £151.57 ($197.41)
3. Varshavë, Poloni — £160.35 ($208.85)
4. Stamboll, Turqi — £166.83 ($217.29)
5. Bukuresht, Rumani — £167.74 ($218.47)
6. Porto, Portugali — £172.60 ($224.80)
7. Riga, Letoni — £178.60 ($232.62)
8. Bratisllava, Sllovaki — £182.02 ($237.07)
9. Moskë, Rusi — £186.87 ($243.39)
10. Pragë, Republika Çeke — £190.19 ($247.71)

/CNN