Franca po kërkon të ndërtojë më shumë termocentrale të reja sesa ishte paralajmëruar më parë në zgjerimin e planifikuar të energjisë bërthamore.
“Fillimisht po flasim për gjashtë reaktorë, ndërkohë që tetë të tjerë janë duke u shqyrtuar”, tha ministrja franceze e Energjisë, Agnes Pannier-Runacher për të përditshmen e biznesit ”Les Echos”.
“Por, unë i bëra qartë industrisë këtë pyetje: A mund të shkoni përtej 14 reaktorëve deri në vitin 2050?”, tha ajo.
Ajo shtoi se industria duhet së pari t’i përgjigjet kësaj pyetjeje.
“Përzierja jonë e energjisë duhet të marrë parasysh realitetin, shkencën si dhe realitetet industriale dhe nuk duhet të bazohet në ideologji të thjeshtuara”, theksoi ministrja.
“Arritja e neutralitetit të CO2 deri në vitin 2050 kërkon që ne të prodhojmë masivisht më shumë energji elektrike”, tha Pannier-Runnacher.
Lexo edhe: Kina humbet makinën robotike në mars. NASA tregon pamjet
“Më duhet t’i paraqes parlamentit kufizimet fizike që lidhen me këtë kapacitet të ri prodhimi për të sqaruar se sa larg mund të shkojmë teknikisht deri në vitin 2050 për sa i përket diellit, erës detare dhe bërthamore për të bërë zgjedhjet më të mira për përzierjen e energjisë”, shtoi ajo.
Franca dëshiron të vazhdojë të mbështetet ndjeshëm në energjinë bërthamore për furnizimin e saj me energji.
Presidenti Emmanuel Macron njoftoi një “rilindje të fuqisë bërthamore franceze” një vit më parë.
Franca është prodhuesi i dytë më i madh i energjisë bërthamore në botë pas SHBA-së dhe aktualisht ka 56 termocentrale bërthamore.
Parlamenti francez po debaton aktualisht një ligj për të përshpejtuar ndërtimin e centraleve të reja bërthamore.
Ndërtimi i reaktorëve të parë të rinj është planifikuar të fillojë në vitin 2027.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
