Lajmi i ditës!!!
Me 18.1 milionë pëlqime, Kylie Jenner ka postimin më të pëlqyer në Instagram.
Ky postim është një foto e vajzës së porsalindur të Jenner, ku njofton dhe emrin e bebit, Stormi Webster.
Por sot, ky rekord është thyer.
Duket se gjithë “Instagrami” u bë bashkë, për t’i dhënë trofeun një veze të kuqe.
Me 19 milionë pëlqime fotoja e postuar në datën 4 Janar nga @world_record_egg, ka thyer rekordin e fotos më të pëlqyer në Instagram.
“Le të bëhemi bashkë dhe të arrijmë postimin më të pëlqyer në Instagram. Duke thyer rekordin aktual të mbajtur nga Kylie Jenner (18 milionë)! Ne mund t’ja dalim!,” shkruhet në postim.
Faqja në Instagram e vezës, e cila ka tre milionë ndjekës, e la pas foton e Jenner, e cila mban postimin më të pëlqyer në Instagram për rreth 1 vit.
“Kjo është çmenduri. Sa kohë e bukur për qenë gjallë”, shkruhet në postimin e faqes World Record Egg. “Por nuk përfundon këtu, sepse sapo kemi filluar.” Me sa duket rekorde të tjera do të shohim në vazhdim.
/Mashable
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
