Fondi Rajonal i Sfidave (RCF) është një instrument financimi i krijuar për të rritur punësueshmërinë, veçanërisht të të rinjve. Ai rrit konkurrueshmërinë e sipërmarrjeve në ekonomitë e gjashtë vendeve të Ballkanit Perëndimor duke financuar investime në pajisje dhe infrastrukturë për projekte bashkëpunuese ose të trajnimit dual të zbatuara përmes partneriteteve ndërmjet instituteve të formimit profesional dhe sipërmarrjeve. Grantet alokohen përmes një sfide konkurruese rajonale.
Ministria Federale Gjermane për Bashkëpunim Ekonomik dhe Zhvillim (BMZ) ka financuar 64.43milion Euro per RCF, ndërsa Qeveria Zvicerane, e përfaqësuar nga Bashkëpunimi Zviceran përZhvillim (SDC) ka bashkëfinancuar 9.7 milionë CHF. Fondet i janë mandatuar Bankës Gjermane përZhvillim KfW dhe zbatohen nga Forumi i Investimeve i Dhomave të Ballkanit Perëndimor 6 (WB6-CIF), një nismë e përbashkët e dhomave të tregtisë nga rajoni.
Në raundin e parë dhe të dytë të aplikimeve u paraqitën më shumë se 300 Shprehje Interesi nga të gjitha ekonomitë e Ballkanit Perëndimor 6. Procesi i përzgjedhjes rezultoi në miratimin e 63 projekteve për financim, duke alokuar rreth 27 milionë euro për investime në pajisje,infrastrukturë dhe trajnime për ofruesit e formimit profesional dhe ndërmarrjet partnere.
Lexo edhe:Apple do të hapë dyqanin e parë në Malajzi, ndërsa zgjerimi në Azi vazhdon
Tani RCF-ja shpall Thirrjen e Tretë për Shprehje të Interesit dhe fton konsorciumet e interesuara të instituteve të formimit profesional dhe sipërmarrjeve të përkushtuara për zbatimin e përbashkët të programeve të trajnimit bashkëpunues për të aplikuar dhe:
Të konkurrojnë për mundësinë për të realizuar investime të konsiderueshme në pajisjet e trajnimit dhe objektet e trajnimit pranë instituteve të formimit profesional dhe të nxiten për të futur teknologji të reja
Të mbështesin zhvillimin e metodave të trajnimit bashkëpunues për të adresuar mungesat e burimeve njerëzore në mënyrë efektive dhe strategjike për t’iu qasur ngritjes së kapaciteteve
Të përmirësojnë punësueshmërinë e të trajnuarve/të diplomuarve të Arsimit dhe Formimit Profesional, si dhe integrimin e tyre në tregun e punës
Të rrisin produktivitetin dhe konkurrueshmërinë e sipërmarrjeve vendore si rezultat i programeve të trajnimit bashkëpunues të zbatuara me sukses.
THIRRJA E TRETË PËR SHPREHJE INTERESI DO TË JETË E HAPUR NGA DATA 22 MAJ DERI MË 7 KORRIK 2023, ORA 23:59. THIRRJA PUBLIKOHET NJËKOHËSISHT NË GJASHTË EKONOMITË EBALLKANIT PERËNDIMOR: SHQIPËRI, BOSNJË DHE HERCEGOVINË, KOSOVË, MAL TË ZI, MAQEDONI TË VERIUT DHE SERBI. RCF-JA FTON APLIKIME NGA TË GJASHTË EKONOMITË DHETË GJITHË SEKTORËT EKONOMIK.
Për çdo pyetje të mëtejshme mos ngurroni të kontaktoni përfaqësuesin e RCF, Z. Renato Vasili në renato.vasili@rcf-wb6.org.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
