FMN shtyn lëvrimin e dy kësteve prej 73.8 mln euro

FMN shtyn lëvrimin e dy kësteve prej 73.8 mln euro


Huaja – Programi 36-mujor për Shqipërinë është miratuar më 28 shkurt 2014 dhe shoqëronte huan prej 330.9 milionë eurosh

Bordi – Aprovimi i shqyrtimeve nga Bordi i Drejtorëve Ekzekutivë do të mundësonte lëvrimin e 73,8 milionë eurove

Fondi Monetar Ndërkombëtar nuk ka miratuar në janar dy këstet e kredisë për Shqipërinë, ashtu siç ishte parashikuar. Shkak për shtyrjen e vendimit mund të jetë bërë përjashtimi i biznesit të vogël nga taksat, reformë për të cilën FMN nuk ka dhënë mendimin “pro”. “Bordi Ekzekutiv i FMN-së pritet të diskutojë për shqyrtimin e pestë dhe të gjashtë të programit në fillim të vitit 2016. Aprovimi i shqyrtimeve do të mundësonte lëvrimin e 57,8 milionë SDR (rreth 73,8 milionë euro)”, theksohet në marrëveshjen në nivel stafi për përfundimin e shqyrtimit të pestë dhe të gjashtë të programit për Shqipërinë, më 10 nëntor 2015. Programi 36-mujor për Shqipërinë është miratuar më 28 shkurt 2014 dhe shoqëronte huan prej 330.9 milionë euro. Në konferencën e përbashkët të nëntorit, përpara largimit nga Tirana të misionit të radhës së FMN-së u bë e ditur se miratimi nga bordi drejtues i FMN-së i dy kësteve do të ndodhte në janar të 2016-s. Gjatë janarit, bordi ekzekutiv i FMN-së ka mbajtur shtatë takime për të miratuar dokumente vlerësimi për shtete të ndryshëm, por Shqipëria nuk figuron. Edhe në mbledhjen e 5 shkurtit, vendi ynë nuk është përfshirë në axhendë dhe bordi pritet të fokusohet në shtete si Zelanda e Re, Santa Luçia dhe Fixhi. Lëvrimi i kësteve, megjithëse një marrëveshje e miratuar, do të kërkojë kohë shtesë për të shqyrtuar nëse buxheti dhe paketa fiskale 2016 të miratuara nga qeveria, janë në përputhje me kushtet. “Ekipi i FMN-së arriti një marrëveshje në nivel stafi me autoritetet, për politikat që nevojiten për të përfunduar shqyrtimin e pestë dhe të gjashtë të EFF-së”, deklaroi misioni më 10 nëntor. “Konsolidimi fiskal pritet të vazhdojë në vitin 2016. Shqipëria duhet të vazhdojë të përmirësojë përmbushjen e detyrimeve tatimore nga subjektet dhe të zgjerojë bazën tatimore për të mbështetur konsolidimin fiskal dhe për të siguruar qëndrueshmërinë e borxhit në periudhën afatmesme, duke krijuar në të njëjtën kohë hapësirë fiskale për shpenzime produktive”, theksonte deklarata e FMN-së.

/Gazeta Shqip/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0