Dy universitetet më të mëdha shqiptare, Universiteti i Tiranës dhe ai Politeknik i Tiranës, janë tashmë zyrtarisht si ‘COOPERATING INSTITUTES’ në eksperimentin CMS (Compact on Solenoid), të CERN-it (Qendra Europiane e Kërkimeve Bërthamore, Gjenevë, Zvicër).
Në këtë eksperiment punojnë rreth 5 mijë kërkues shkencor nga e gjithë bota. Tashmë edhe grupi shqiptar, i përbëre prej 7 fizikanësh, do të jetë pjesë e këtij organizmi shkencor.
Marrëveshja u nënshkrua në 5 mars, në Gjenevë.
Me këtë marrëveshje, pjesë e eksperimentit më të madh në planet në fushën e Fizikës, është tashmë zyrtarisht edhe një grup fizikanësh shqiptarë. Ky grup përbëhet nga Prof. As. Dr. Rudina Osmanaj, Prof. As. Dr. Klaudio Peqini dhe Prof. As. Dr. Olta Çakaj (Universiteti i Tiranës- Fakulteti i Shkencave të Natyrës); nga Prof. As. Dr. Altin Gjevori, Prof. As. Dr. Dafina Hyka dhe Dr. Enkelejd Çaça (Universiteti Politeknik i Tiranës) dhe Dr. Ilirjan Margjeka, si personi i kontaktit të eksperimentit CMS për Shqipërinë.
Lexo: Meta Platforms ka lëshuar për përdorim versionet e para të modelit të tij më të ri të madh gjuhësor
Pjesëmarrja e fizikanëve shqiptarë në këtë eksperiment vlerësohet si shumë e rëndësishme. Shkencëtarët shqiptarë kanë mundësi me të drejtë të plotë të kenë qasje te të dhënat eksperimentale reale duke publikuar rezultatet shkencore edhe në revista shkencore me famë botërore.trtbalkan
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
