FBI konfirmoi se është duke hetuar hakimin e Twitter që çoi në kompromentimin e llogarive të Joe Biden, Elon Musk, Barack Obama, Kanye West dhe një numri përdoruesish të profilit të lartë.
“FBI po heton një incident ku u përfshinë disa llogari Twitter të profilit të lartë në 15 Korrik 2020,” shkruan divizioni i FBI-së për San Franciskon.
Lexoni: Twitter pëson sulm kibernetik
Përfshirja e FBI-së vjen pas disa hetimeve të nisura rreth incidentit. Disa senatorë janë shprehur të shqetësuar dhe kanë kërkuar shpjegime nga CEO i Twitter, Jack Dorsey.
Vetë rrjeti social i mikroblogimit ka dhënë pak informacione rreth hakimit dhe fajësoi disa punonjës, që kanë rënë prej e inxhinierisë sociale.
Kompania nuk ka komentuar raportimet se një punonjës ishte paguar për të ndihmuar në sulmin ndaj Twitter. Madje ky i fundit pretendon se llogaritë dhe fjalëkalimet e përdoruesve janë plotësisht të mbrojtura.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
