Drejtoria e Përgjithshme e Tatimeve bën të ditur ndryshimet kryesore lidhur me tatimpaguesit fermerë:
Norma e kompensimit të fermerëve
Norma e kompensimin për fermerët dhe TVSH-ja e shënuar në faturë nga grumbulluesi është 6%. Personi i tatueshëm blerës, krediton kompensimin prej 6%.
Detyrimet e fermerit
Fermeri, për të përfituar nga skema e kompensimit duhet të regjistrohet në Drejtorinë Rajonale Tatimore për t’u pajisur me NIPT brenda dy ditësh pune. Drejtoria Rajonale Tatimore pajis me certifikatë NIPT-i fermerin, duke shënuar si emër “Fermeri A.B.” dhe NIPT-in që gjeneron sistemi.
Detyrimet e personit të tatueshëm
Shoqëria grumbulluese që merr furnizimin, përpara se të lëshojë faturën e parë në emër të fermerit, duhet të njoftojë Drejtorinë Rajonale Tatimore përkatëse që është aplikues i skemës së kompensimit të fermerit duke i bashkëngjitur dhe marrëveshjen me fermerin.
Për rimbursimin e pjesshëm të TVSH-së po kundërshtojnë prej kohësh agropërpunuesit. Ata thonë se u duhet të paguajnë vetë pjesën e mbetur të TVSH-së prej 14%.
Lexo: Agropërpunuesit kërcënojnë se nuk do të blejnë më qumësht tek fermerët, nëse nuk rishikohet TVSH
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
