FED invest, mbështet fermerët edhe falë Japonisë - Business Magazine Albania

FED invest, mbështet fermerët edhe falë Japonisë


Prej 27 vitesh FED invest po zhvillon shërbimet dhe produktet financiare për fermerët. Përvoja e fituar ndër vite përmes Shoqërive të Kursim Kreditit ka bërë që FED invest të mbulojë sot mbi 1700 fshatra në të gjithë territorin e vendit.

Këtë muaj, Ambasadori i Japonisë, Makoto Ito zhvilloi një vizitë zyrtare në ambientet e Drejtorisë së Përgjithshme të Shoqërisë të Kursim Kreditit FED invest. Takimi kishte në fokus mbarëvajtjen gjatë vitit të parë të implementimit, të projektit për “Përfshirjen financiare të ekonomive dhe fermave familjare në Shqipëri, FIAS”.

Projekti për “Përfshirjen financiare të ekonomive dhe fermave familjare në Shqipëri” është një projekt i mbështetur nga JICA, në partneritet me Ministrinë e Financave dhe Ekonomisë, i cili implementohet nga FED invest. Ky projekt synon të përmirësojë mjedisin e përgjithshëm të IT-së në FED invest dhe të ndihmojë mbi 50.000 familje të vogla që jetojnë në zonat rurale dhe hasin vështirësi në sigurimin e një kredie bankare, të kenë akses financiar me qëllim që të vetëpunësohen ose të ngrenë biznesin e tyre.

Gjatë vitit të parë të implementimit, u krye një studim në mbi 1.000 familje që jetojnë në zonat rurale, për të kuptuar më mirë nevojat e tyre për shërbimet financiare dhe jofinanciare.

Ndërkohë, FED invest ka përmirësuar pjesën e IT.

FED invest plotëson kushtet e Kodit Europian të sjelljes së mirë në fushën e Mikrofinancës.

Komisioni Europian, në dhjetor 2018 vlerësoi se FED invest plotëson të gjitha kushtet e Kodit për ofrimin me standarde të larta evropiane të huadhënies në mikrofinancë.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0