Squid Game është kthyer padyshim në serialin hit të vitit 2021. Por edhe pse i pëlyqer në të gjithë globin, nuk mund të thuhet e njëjta gjë për krijuesin e tij i cili, para disa kohësh tha se “është shumë e lodhshme të mendosh për krijimin e një sezoni të ri”.
Por, kur popullariteti i serialit arriti majat, duke u bërë seriali më i ndjekur në Netflix, mendimi i Hwang Dong-hyuk ndryshoi. Jo vetëm që Dong-hyuk konfirmoi praninë e sezonit të 2-të, mirëpo tashmë ai është në diskutime e sipër me Netflix për zhvillimin e një sezoni të 3-të.
“Unë jam në diskutime me Netflix mbi sezonin e 2-të dhe të 3-të.” tregoi Hwang për median koreane KBS. “Ne do të arrijmë në një konkluzion së shpejti, pasi e dimë shumë mirë se njerëzit po na presin me padurim.”
Lexo edhe: Ja përse “Squid Game” i solli probleme kësaj 32 vjeçareje
Kjo është hera e parë që Hwang Dong-hyuk ka përmendur praninë e sezonit të 3-të. Ne jemi shumë kurioz të dimë se për çfarë do të flitet në këtë sezon, pasi për sezonin e dytë Hwang tregoi disa detaje.
“Une ju premtoj. Gi-hun do të kthehet. Ai do të bëjë diçka për botën.” Mirëpo çfarë do të bëjë Gi-hun?
“Sezoni i dytë do të përqëndrohet mbi Gi-hun. Ai do të takojë shumë persona dhe njerëz të cilët do ta ndjekin vazhdimisht.” Në tetor ai tregoi se ishte i interesuar për të përfshirë më tepër këndvështrimin mbi rolin e policisë në vendlindjen e tij gjatë këtij sezoni.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
