Një video muzikore me titullin “We Thank You, Elon Musk” ka tronditur rrjetet sociale, jo vetëm për përmbajtjen e saj, por për mënyrën se si ajo kombinon adhurimin, satirën dhe… Cybertruck-un.
Në qendër të këtij fenomeni që ka ndarë internetin më dysh është Alessandra Basher, një mama amerikane që vetëquhet “stay-at-home mom” dhe ëndërron të bëhet komediane. Ajo është shfaqur në një video, duke kënduar në një Tesla Cybertruck, me një mikrofon, një kapele kaubojsi dhe një bluzë “Dogefather” me fytyrën e Elon Musk. Mjafton ky imazh për të kuptuar se nuk jemi në një terren të zakonshëm.
Lexo gjithashtu: Pse bastet kundër Elon Musk dhe Tesla-s mund të jenë një gabim i madh
“SpaceX flies / Tesla self-drives / Starlink beams with laser dreams / he’s got a master plan for our lives”, këndon ajo, ndërsa imazhe të Elon-it duke folur në mitingje të Trump-it ndërthuren në video. Por, ajo që ka ndezur më shumë debat është vargu:
“One more kid, one more brand, launching rockets with just one hand.”
Lexo gjithashtu: Tesla, nga makina revolucionare te shoferët më të paragjykuar?
A është kjo një satirë delikate apo një himn i sinqertë për Musk-un? Interneti nuk është i sigurt. Platforma si Bluesky kanë shpërthyer me komente që variojnë nga mosbesimi te ironia e pastër. “Hedhja e raketave me një dorë është ose satira më e sofistikuar ndonjëherë, ose një zjarr i pavetëdijshëm ndaj vetes,” shkruan një përdorues.
Megjithatë, Basher është e vendosur në qëllimin e saj. Pasi disa e akuzuan për një “audicion të fshehtë për të bërë fëmijën e 53-të të Elon-it”, ajo reagoi në platformën X
“Nuk po përpiqem të bëj një fëmijë me Elon. Thjesht po argëtohem dhe po falënderoj për atë që ai ka bërë dhe po bën për vendin dhe botën.”
Dhe ndërsa Musk vetë nuk ka reaguar ende, fansat e tij në X e kanë pritur me entuziazëm. “Alessandra, je një yll. Fantastike. E mrekullueshme. E goditur në shenjë dhe frymëzuese!”, shkruan një përdorues. Një tjetër shton: “E dëgjoj çdo herë që ngas Cybertruck-un tim. Faleminderit përsëri.”
Lexo gjithashtu: Misioni i parë në Mars nis vitin e ardhshëm!
Në fund të fundit, qoftë satirë e hollë apo adhurim i sinqertë, ajo që ka bërë Alessandra Basher na ka bërë të ndalemi, të dëgjojmë dhe të pyesim veten, çfarë është realitet dhe çfarë është performancë në epokën e Musk-ut?
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
