Ditën e sotme Facebook ka shtuar disa butona të rinj për të shprehur reagimet ndaj një postimi. Përveç butonit tradicional Like, Facebook ka shtuar butona të tjerë që shprehin emocionet e përdoruesve si: Love, Haha, WoW, Sad dhe Angry. Arsyeja pse Facebook ka vendosur të shtojë këto butona është se përdoruesit kanë kërkuar gjithmonë më shumë alternativa për t’u shprehur dhe butoni simbol Like nuk mjaftonte. Facebook akoma nuk ka shtuar një buton Dislike, por alternativat Sad dhe Angry i vijnë në ndihmë të gjithë atyre që janë të pakënaqur ndaj një postimi.
Facebook ka filluar testimin e këtyre butonave në Irlandë, Spanjë, Kili, Filipine, Portugali, Kolumbi dhe Japoni që në tetor të vitit 2015. Butoni Like ka qenë objekt diskutimi për shumë kohë, deri sa themeluesi i Facebook Mark Zuckerberg u shpreh i hapur ndaj alternativave të reja.
Gjithashtu që sot çdo postim do të numërojë jo vetëm numrin e pëlqimeve, por edhe numrin e emocioneve të tjera si Love apo WoW. Mos u habisni kur të shikoni sot, një shpërthim emocionesh të reja në rrjetin social më të madh në botë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English