Projekti i kriptomonedhës Diem, i udhëhequr nga Facebook, po përgatitet të shesë asetet e tij, pasi gjigandi i mediave sociale pranon humbjen në ambiciet e dikurshme të pagesave digjitale.
Shoqata Diem, e cila u lançua nga Facebook në 2019 dhe mbështetet nga 25 biznese dhe grupe jofitimprurëse, po planifikon të mbyllet, sipas disa burimeve që citon Financial Times.
Një person tha se blerësi i teknologjisë së saj ishte Silvergate Bank me bazë në Kaliforni, për 200 milionë dollarë. Kjo marrëveshje u raportua për herë të parë nga Wall Street Journal. Diem dhe Silvergate nuk pranuan të komentojnë.
Meta ka kërkuar burime të ardhurash për të fuqizuar rritjen e saj në të ardhmen. Grupi i Silicon Valley është goditur nga skandalet e fundit mbi moderimin e përmbajtjes dhe privatësinë, duke kontribuar në një rënie të popullaritetit për produktet e tij kryesore të rrjeteve sociale Facebook dhe Instagram, një prirje që kërcënon modelin e saj të biznesit me 85 miliardë dollarë në vit.
Shitja ka të ngjarë t’i japë Diem-it mundësinë për të paguar disa fonde për anëtarët themelues të iniciativës, të cilët fillimisht zotuan 10 milion dollarë për të marrë pjesë.
Projekti u përball me kundërshtime nga rregullatorët që në fillim. Ajo përjetoi një fillimi të vështirë kur një valë e anëtarëve të saj themelues – duke përfshirë PayPal, Mastercard dhe Vodafone – u larguan brenda vitit të parë pasi projekti tërhoqi shqyrtimin rregullator.
Në veçanti, ligjvënësit ngritën shqetësime për pastrimin e parave dhe stabilitetin monetar, duke pasur parasysh madhësinë e Facebook. Kompania u përball gjithashtu me një reagim ndaj skandalit të privatësisë së Cambridge Analytica.
I njohur më parë si Libra, Diem fillimisht kërkoi të krijonte një monedhë dixhitale të mbështetur nga një shportë monedhash të botës reale. Por në një përpjekje për të qetësuar rregullatorët amerikanë, ajo ngushtoi vizionin e saj në 2020 për t’u fokusuar në lançimin e një monedhe të mbështetur një për një nga dollari, i njohur si një monedhë stabël, dhe punësoi ish-shefin ligjor të HSBC, Stuart Levey si shefin e parë ekzekutiv të saj.
Megjithatë, projekti nuk arriti të marrë miratimin nga rregullatorët amerikanë dhe David Marcus, themeluesi i nismës, u largua nga Facebook në fund të vitit të kaluar.
Nëse përfundon, një shitje te Silvergate do ta sillte përpjekjen më të madhe të Facebook në financa në një përfundim të keq.
Kompania ndërtoi Novi, një portofol me monedhë dixhitale, në mënyrë që të mbante monedhën Diem. Megjithatë, Novi u lançua si një pilot në shkallë të vogël në tetor duke përdorur një monedhë nga një ofrues i jashtëm, Dollar Paxos.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
