Rrjeti social Facebook njoftoi një politikë të re, e cila ndalon reklamat dekurajuese ndaj vaksinave, si pjesë e një përpjekjeje të re për t’i inkurajuar ata të marrin injeksionet e vaksinave të gripit gjatë pandemisë COVID-19. Në njoftimin e fundit theksohet se reklamimet që tregojnë vaksinat si të pasigurta ose të padobishme më nuk do të lejohen. “Ne nuk i duam këto reklama në platformën tonë,” – thanë të martën Kang-Xing Jin, menaxher i Facebook-ut për nismat shëndetësore dhe Rob Leathern, drejtori i menaxhimit të produktit.
LEXO: Facebook ndalon postimet që mohojnë Holokaustin
Kompania theksoi se në këtë mënyrë dëshiron të ndihmojë që njoftimet për mbrojtjen dhe efektivitetin e vaksinës të arrijnë një audiencë të gjerë . “Tani, nëse një reklamë dekurajon në mënyrë të qartë dikë nga marrja e saj, ne do ta refuzojmë atë”, thanë Jin dhe Leathern.
Për më tepër, Facebook njoftoi fillimin e një fushate të re për të siguruar informacion në lidhje me vaksinat e gripit për përdoruesit dhe u zotua të punojë me “partnerë globalë të shëndetit në fushata për të rritur normat e imunizimit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English