Facebook, bëri të ditur në fillim të kësaj jave se po shton etiketa tek postimet që diskutojnë sigurinë e injeksionit. Përmes kësaj, Facebook do të etiketojë së shpejti të gjithë postimet mbi vaksinat. Gjigandi i medias sociale është kritikuar vazhdimisht nga autoritetet për lejimin e keqinformimit në platform rreth vaksinës.
Kompania ka theksuar se do të prezantojë një mjet në SHBA, për t’u dhënë njerëzve informacion mbi qendrat ku mund të merren vaksinat dhe se do të shtojë një fushë të informimit ndaj Covid-19 në Instagram. Në platformat e mediave sociale kan qarkulluar gjatë pandemisë pretendime false dhe teori konspiracioni ndaj vaksinës kundër COVID.
Facebook dhe Instagram, të cilat kanë shtërnguar së fundi politikat pas mospërfshirjes prej kohësh, vazhdojnë të jenë burime për llogari të shumta që japin informacione të rreme për vaksinat.
Chris Cox, shefi i Produktit të Facebook, tha në një intervistë se kompania i ka marrë shumë seriozisht pretendimet false dhe shtoi se ka një numër të madh të njerëzve që nuk bëjnë dallimin mes keqinformimit dhe dyshimeve.
Kompania pranoi se do etiketojë postimet në Facebook dhe Instagram që diskutojnë sigurinë e vaksinës me tekst që thotë se, “vaksinat kalojnë përmes testeve sigurisë përpara se të miratohen”.
Prej muajit shkurt, Facebook dhe Instagram kanë bërë të ditur se kanë hequr 2 milionë përmbajtje.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
