F1 Silverstone: Hamilton fiton me tre rrota, Leclerc i treti

50 xhiro monotoni, 2 xhiro emocione. Kështu mund të përshkruhet Çmimi i Madh i Britanisë. Që prej nisjes së garës, dominimi shtypës i Mercedesit bëri që e gjithë vëmendja te zhvendosej drejt makinave në mesin e renditjes, të cilat ishin të vetmet që dhuronin deri diku emocione të mirëfillta garimi. Një garë për tu harruar për ish kampionin gjerman Vettel, i cili nuk arriti as të mbrojë pozicionin e 10-të nga të cilin u nis.

Befasia ndodh në xhiron e parafundit, kur goma e majtë e përparme e Bottas pëson çarje dhe kjo i hap rrugë pilotit holandez te Red Bull, Verstappen që të ngjitej në shkallën e dytë të podiumit pasi kishte kaluar gjithë garën në vendin e tretë i shkëputur si nga makinat Mercedes përpara tij ashtu edhe nga makinat e tjera mbrapa tij. Një sezon anonim i destinuar për te përfunduar në vendin e dyte për skuadrën austriake.

Pas ndalesës së detyruar te finlandezit te Mercedes, piloti monegask i Ferrarit, Leclerc përfiton gjithashtu nga incidenti i Bottas. Surpriza ndodh ne xhiron e fundit kur Sainz i McLaren dhe vetë kryesuesi i garës, Hamilton pësojnë të njëjtin problem të gomës së përparme të majtë.

Spanjolli i McLaren fatkeqësisht del jashtë zonës së pikëve, po ashtu si Bottas, por Hamilton bën mrekullinë dhe e çon makinën me 3 goma në finish duke e fituar garën. Frika nga problemi i gomave, bëri që Red Bull të thërrasë Verstappen në pit-stop për ti ndërruar ato. Por ky moment i kushtoi fitoren, sepse po te mos ishte futur ne boxe, ai do e kishte arritur Hamilton dhe do ta kishte parakaluar gjate kohës që ai po xhironte me 3 goma.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale