TechWomen hap aplikimet e vitit 2025 dhe për herë të parë mirëpret aplikantë nga Shqipëria!
TechWomen është një nismë e Departamentit të Shtetit të SHBA-së që bashkon gra udhëheqëse të reja në fushat e shkencës, teknologjisë, inxhinierisë dhe matematikës (STEM) nga Afrika, Azia Jugore dhe Qendrore, Lindja e Mesme dhe Evropa, me homologet e tyre profesionale në Shtetet e Bashkuara për një program mentorimi dhe shkëmbimi.
Gjatë programit pesë-javor, pjesëmarrëset angazhohen në mentorime të bazuara në projekte në kompani lider në Zonën e Gjirit të San Franciskos ose Çikago, marrin pjesë në workshops për zhvillim profesional dhe aktivitete rrjetëzimi, si dhe udhëtojnë në Uashington, DC për takime të posaçme dhe evente përmbyllëse të programit.
Programi për vitin 2025 do të përfshijë 108 gra nga Shqipëria, Algjeria, Kameruni, Egjipti, Jordania, Kazakistani, Kenia, Kirgistani, Libani, Libia, Maroku, Nigeria, Pakistani, Territoret Palestineze, Ruanda, Sierra Leone, Afrika e Jugut, Taxhikistani, Tunizia, Turkmenistani, Uzbekistani dhe Zimbabve.
Aplikimet mbyllen më 7 janar 2025. TechWomen kërkon gra dhe vajza që janë treguar si udhëheqëse të reja në profesionin e tyre të zgjedhur, përmes përvojës së tyre të punës, përvojës vullnetare, aktiviteteve në komunitet dhe arsimimit.
Lista e plotë e kërkesave për pranueshmëri si edhe forma e aplikimit janë të disponueshme këtu!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
