Albanian Dreamin’ 2021 është një konferencë e cila mbahet në Shqipëri për të dytin vit rradhazi dhe bën bashkë profesionistë Salesforce nga e gjithë bota.
Në 22 Maj 2021, Salesforce Trailblazer Community Groups Albania dhe Leadership Development Association Balkan, do të organizojnë takimin i cili do të adresojë temën e inovacionit në teknologjitë globale, duke sjellë kështu eventin nga California e Shteteve të Bashkuara të Amerikës te “Te Stela Resort” në Tiranë.
Konferenca do të mbahet në përputhje me të gjitha rregullat, me një audiencë të limituar, sipas vendimit të Qeverisë Shqiptare, për të evituar përhapjen e Covid-19. Audienca do të jetë e pajisur me maska dhe do të ruajë distancimin, folësit do të komunikojnë në mënyrë virtuale dhe nëpërmjet livestream broadcasting.
Konferenca Albanian Dreamin’ drejtohet nga komuniteti Trailblazer, i cili është krijuar për të ofruar edukim, trajnim dhe mundësi zhvillimi për të rinjtë e Ballkanit. Vizioni është të fuqizohen të rinjtë në programet Salesforce nëpërmjet bashkëpunimit, edukimit, rrjetëzimit dhe ndarjen e njohurive për të përmirësuar forcën punëtore dhe profesionalizmin në vend.
Në përfundim të konferencës të gjithë pjesëmarrësit do të marrin certifikatë pjesëmarrjeje në këtë event ndërkombëtar. Aplikoni këtu!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
