Europa pas Brexit…


“Shumë mendonin se pas Brexit-it Europa mori fund. Por nuk është kështu…Ne duam të shkruajmë një kapitull më të mirë”. Kështu u shpreh kryeministri italian Mateo Renzi nga aeroplanmbajtësja “Garibaldi”, nga ku i dha nismë takimit 3 palësh me kancelaren gjermane Angela Merkel dhe presidentin francez François Hollande.

Renzi theksoi se kishte zgjedhur një vend simbolik për të folur mbi BE-në e re. Pas shpatullave të tij gjendej ishulli Ventotene nga ku në 1941-shin Altiero Spineli, në ekzil, prezantoi projektin e tij për Europen e Bashkuar.

Kryeministri italian përmendi angazhimet e ardhshme të Unionit dhe sqaroi se temat për të cilat do të diskutojnë në takimin 3 palësh janë emigracioni, mbrojtja nga terrorizmi, por edhe rritja ekonomike e të rinjve.

“Europa nuk është problemi, por zgjidhja”, pohoi Renzi duke ju referuar akuzave të populistëve. “Europa është mundësia më e mirë, Brexit nuk duhet të na dekurajojë”, ishin fjalët e tij. Më pas foli presidenti francez, Hollande, i cili konfirmoi skaletën e parashtruar nga Renzi.

“Dëshirojmë që të ketë më shumë koordinim në nivelin e mbrojtjes, por duam gjithashtu edhe zhvillimin e nevojshëm për sigurinë tonë. Është e vërtetë që Brexit-i krijon pasiguri, por ne duhet t’i eleminojmë ato”, tha Hollande.

E fundit që foli gjatë konferencës për shtyp ishte kancelarja gjermane, e cila kërkoi më shumë përpjekje për përmirësimin e sigurisë.

“Duhet të bëjmë më shumë për sigurinë e brendshme e të jashtme e duhet të përmirësojmë bashkëpunimin mes shërbimeve të inteligjencës dhe mbledhjen e informacioneve në terren. Me gjithë këta emigrantë që vijnë duhet të përmirësojmë mekanizmin e mbrojtjes së kufijve”, tha Merkel.

Sa i përket çështjes së emigracionit, udhëheqësja gjermane, e cilësoi si të drejtë bashkëpunimin me Turqinë, pasi, siç tha, të vetëm nuk do ta fitonin dot luftën me skafistët.

Ky është minisamiti i dytë i 3 liderëve që prej rezultatit shokues të referendumit britanik në muajin qershor.

Burimi: Top Channel

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale