Vala e të nxehtit që ka përfshirë këto ditë Europën Jugperëndimore kulmoi të enjten në Spanjë, me temperatura përvëluese që nxisin zjarre të dhunshme në disa zona të vendit.
Masa e ajrit të nxehtë e shtyu sërish zhivën e termometrit në mbi 40 gradë Celsius në disa pjesë të vendit për të dytën ditë radhazi. Me një të nxehtë mbytës u përballën Greqia, Spanja e Portugalia, ndërsa Britania dhe Franca pritet të përjetojnë të njëjtën situatë gjatë ditëve në vijim.
Kjo është vala e dytë e të nxehtit që godet këtë pjesë të Europës brenda pak javësh. Shkencëtarët thonë se episode të tilla po bëhen më të shpeshta dhe intensive për shkak të ndryshimeve klimatike.
Lexo edhe: Thatësira më e ashpër në 70 vjet! Italia shpall emergjencën në pesë rajone
Ajo që dimë dhe që kemi parë është se i nxehti po bëhet më i shpesht, më i përhapur dhe temperaturat gjithmonë e më ekstreme. Këtë lloj lidhjeje për periudha të gjata kohore mund t’ia atribuojmë ndryshimit klimatik. Edhe pse nuk është e lehtë të dilet në përfundime të tilla, të gjitha provat drejt kësaj të cojnë. – u shpreh Lorenzo Labrador, zyrtar i OKB-së
Vala e këtij të nxehti afrikan që po mundon Europën, nuk do të kursejë as Shqipërinë. Kështu, temperaturat e larta rikthehen, duke mbërritur tani deri në 40 gradë Celsius këtë fundjavë.
Në këtë periudhë nuk do të ketë reshje shiu, ose do të jenë të papërfillshme dhe vetëm në zonat malore.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto