Europa gjithmonë e më shumë po zgjedh makinat elektrike. Në tremujorin e parë rritet me 52% adoptimi i tyre - Business Magazine Albania

Europa gjithmonë e më shumë po zgjedh makinat elektrike. Në tremujorin e parë rritet me 52% adoptimi i tyre

Evropa është ndër rajonet që udhëheqin rrugën drejt tranzicionit global me automjetet elektrike (EV), duke forcuar pozicionin e saj si një qendër për adoptimin e gjerë të transportit miqësor ndaj mjedisit. Ky tranzicion ka çuar në një rritje të jashtëzakonshme të numrit të banorëve që zgjedhin makina elektrike ndërsa ata lëvizin drejt një të ardhmeje më të qëndrueshme dhe të ndërgjegjshme për mjedisin.

Në veçanti, të dhënat e marra nga Finbold tregojnë se regjistrimi i makinave të reja elektrike të pasagjerëve në Evropë për tremujorin e parë të 2023 arriti në 1,177,637 milion. Numri më i madh i regjistrimeve, i cili përfshinte ato brenda Bashkimit Evropian, Mbretërisë së Bashkuar dhe Shoqatës Evropiane të Tregtisë së Lirë (EU+EFTA+UK), u regjistrua në mars në 494,270. Shkurti pasoi nga afër me 359,752 regjistrime, ndërsa janari shënoi 323,615 regjistrime. Kjo tregon një rritje prej 52.94% në EV-të e regjistruara të pasagjerëve në Evropë midis janarit dhe marsit.

Ndër makinat elektrike të regjistruara, peshën më të madhe e kishin automjetet elektrike hibride (HEV), me 667,559 regjistrime. Automjetet elektrike me bateri (BEV) u renditën në vendin e dytë me 320,857 regjistrime, ndërsa elektrike Plug-in hibride (PHEV) u rendit e treta me 189,221 regjistrime.

Lexo edhe: Tesla në Gjermani: një lajm i mirë dhe një i keq

Hulumtimi identifikoi disa nga faktorët e adoptimit të makinave elektrike në Evropë. Sipas raportit të hulumtimit:

“Rritja e adoptimit të automjeteve elektrike në Evropë mund të lidhet me një kombinim faktorësh, duke përfshirë një popullsi të ndërgjegjshme për klimën me nivele të larta të të ardhurave, mbështetje të fortë nga qeveria për automjetet elektrike dhe zhvillimin e një rrjeti të gjerë publik-privat për infrastrukturën e karikimit të makinave elektrike.”

Megjithëse adoptimi i makinave elektrike në Evropë është në rritje, ka ende barriera për t’u kapërcyer drejt pranimit të gjerë, me kostot e larta që renditen ndër shqetësimet kryesore. / FinBold

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0