Eurojust “godet” mashtrimet me kriptomonedhat. Më shumë se 200 mijë viktima në Europë - Business Magazine Albania

Eurojust “godet” mashtrimet me kriptomonedhat. Më shumë se 200 mijë viktima në Europë

Një hetim ndërkombëtar ka identifikuar disa rrjete kriminale që qëndrojnë pas më shumë se 470 faqeve të internetit që përdornin skema mashtrimi për klientët.

Rrjeti ndërkombëtar i kriptomonedhave dyshohet se ka mashtruar më shumë se 200.000 viktima në Evropë, shumica prej tyre në Gjermani, Itali dhe Spanjë.

Nga tre milionë emaile që iu vunë në dispozicion policisë spanjolle, u identifikuan më shumë se 470 faqe interneti me domain-in spanjoll “.es”, nga të cilat rezulton se janë mashtruar 17.000 persona brenda Spanjës.

Lexo edhe: Europol aksion në 27 vende. Mbyll 12 mijë faqe që shisnin dhe reklamonin produkte false

Sipas burimeve policore, kriminelët kanë grumbulluar 2.5 miliardë dollarë nga qindra mijëra viktima në mbarë botën.

Eurojust (Agjencia e Bashkimit Evropian për Bashkëpunim në Drejtësinë Penale) po koordinon hetimin në shtatë vende evropiane. Së fundi, kontrolle janë kryer në qindra call center-a në Shqipëri, Gjeorgji, Maqedoninë e Veriut, Bullgari dhe Ukrainë.

Këto organizata u krijuan fillimisht në Izrael dhe Evropën Lindore dhe më pas kanë nisur bashkëpunimin me njëra-tjetrën, thotë avokati Mauro Jordan. Një nga 20 klientët që ai përfaqëson është një grua 80-vjeçare, e cila humbi më shumë se 837.000 dollarë, duke investuar në kriptovaluta./ EL PAIS

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0