Europol aksion në 27 vende. Mbyll 12 mijë faqe që shisnin dhe reklamonin produkte false - Business Magazine Albania

Europol aksion në 27 vende. Mbyll 12 mijë faqe që shisnin dhe reklamonin produkte false

Agjencitë e zbatimit të ligjit në 27 vende të ndryshme kanë zhvilluar një operacion së bashku me Europol, për të mbyllur faqet e internetit që ofrojnë mallra të falsifikuara. Shqipëria renditet ndër shtetet që reklamonte dhe shiste këto produkte.

Këto agjenci në disa kontinente kanë mbyllur 12 526 faqe interneti, kanë shkëputur 32 serverë të përdorur për të shpërndarë përmbajtje të paligjshme për 2 294 kanale televizive dhe kanë mbyllur 15 dyqane online që shisnin produkte të falsifikuara në faqet e mediave sociale. Hetuesit sekuestruan 127 365 produkte të falsifikuara si rroba, ora, këpucë, aksesorë, parfume, pajisje elektronike dhe kuti telefoni me vlerë më shumë se 3.8 milionë euro.

Lexo edhe: Europol shkatërron një rrjet të sulmeve kibernetike

Kosova, Maqedonia, Mali i Zi dhe Krocia janë ndër vendet e Ballkanit Perëndimor, ku është kryer operacioni. Të tjera shtete janë dhe Belgjika, Bullgaria, Brazili, Kolumbia, Kroacia, Republika Çeke, Danimarka, Franca, Gjeorgjia, Greqia, Hungaria, Irlanda, Italia, Lituania, Malta, Moldavia, Portugalia, Rumania, Sllovenia , Spanjë, Zvicër, Mbretëria e Bashkuar dhe Shtetet e Bashkuara.

Gjatë operacionit, u lëshuan 10 urdhra kontrolli dhe 14 persona u ndaluan, pasi u akuzuan për krime të pronësisë intelektuale. Në një aksion të policisë spanjolle u arrestuan katër persona dhe një person u akuzua zyrtarisht. Sipas rezultateve të hetimeve, i dyshuari kryesor fitonte deri në 150 mijë euro në muaj dhe kishte një jetë luksoze. Operacioni i përsëritur, i cili mbështetet nga Eurojust dhe INTERPOL, synon, heton dhe sekuestron faqet e internetit që përmbajnë një sërë përmbajtjesh të paligjshme.

Europol 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0