Për kompanitë e prodhimit dhe të eksportit, nuk ka lajme të mira nga tregu i këmbimit valutor. Forcimi i monedhës vendase ka vijuar ndaj euros dhe dollarit, duke vendosur një rekord të ri për euron në dhjetëvjeçarin e fundit. Sipas të dhënave të tregut valutor dhe tregut zyrtar të këmbimit, një euro ka zbritur nën 130 lekë. Banka e Shqipërisë raporton se një euro u këmbye sot me 129.05 lekë. Në një ditë, euro u zhvlerësua gati 0.9 lekë.
Në pikat e këmbimit valutor, leku është forcuar edhe ndaj monedhave të tjera, përfshirë monedhën tjetër kryesor për tregtinë e shkëmbimet monetare, dollarin amerikan. Një dollar u këmbye mesditën e së mërkurës me 105.5 lekë. Ky është niveli më i ulët i shënuar në më shumë se tre vite. Një vit më parë, një dollar këmbëhej 127.5 lekë.
Fuqizimi i lekut pritet të vijojë edhe në ditët në vazhdim, ndërsa diskutimet për burimin e shtuar të euros dhe efektet e politikës së deeuroizimit nga Banka e Shqipërisë mbeten të hapura.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
