Ushqimet e gatshme për mikrovalë ofrojnë komoditet, por një raport i ri nga Greenpeace International tregon se ato mund të dëmtojnë seriozisht shëndetin dhe mjedisin. Analiza e 24 studimeve shkencore të fundit zbulon se paketimet plastike të ushqimeve lëshojnë mikropolimerë dhe kimikate të rrezikshme në ushqim, të cilat mund të kenë efekte të gjera shëndetësore, përfshirë ndikime në hormone, fertilitet dhe rritje të sëmundjeve metabolike.
Graham Forbes, drejtues i fushatës globale për plastikat në Greenpeace USA, shpjegon: “Njerëzit mendojnë se zgjedhin një opsion të padëmshëm kur ngrohin një ushqim në mikrovalë, por në realitet ekspozohen ndaj një përzierjeje të rrezikshme mikropolimerësh dhe kimikateve të dëmshme”. Plastikë e përdorur në ushqime ndot mjedisin gjatë gjithë ciklit të saj , nga nxjerrja e lëndëve të para deri te riciklimi i vështirë dhe dekompozimi në mikropartikuj që akumulohen në tokë, lumenj dhe dete.
Lexo edhe: 57 miliardë dollarë dëme mjedisore, bilanci klimatik i luftës në Ukrainë
Raporti paralajmëron se etiketa “microwave safe” nuk garanton që ushqimi është i sigurt, pasi ajo tregon vetëm qëndrueshmërinë e enës dhe jo mungesën e mikropolimerëve apo kimikateve që kalojnë në ushqim. Studimet tregojnë se vetëm pas pesë minutash ngrohjeje, disa enë lëshojnë deri në 534,000 mikropartikuj plastike. Greenpeace kërkon rregullime më të rrepta globale dhe përjashtimin e kimikateve të rrezikshme në paketimet ushqimore, duke paralajmëruar: “Rreziku është i qartë, basti i lartë dhe koha për të vepruar është tani”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
