Musk ka bërë një retweet tek Scientific American për rolin e Thunberg në protestat globale për ndryshimin e klimës javën e kaluar, të cilit një përdorues i Twitter iu përgjigj: “Po. Le ta lëmë një 16 vjeçare të përcaktojë politikën botërore. Unë ju dua Elon, por kjo është e gabuar. “
Musk u përgjigj se Thunberg është “një 16 vjeçare që ka arsyetim më të mirë dhe më shumë zemër sesa shumica e liderëve politikë”.
Elon Musk (@elonmusk) 20 Shtator 2019
Miliona njerëz në të gjithë botën iu bashkuan protestave dhe grevave të së Premtes duke kërkuar që qeveritë dhe bizneset të ndërmarrin veprime për të luftuar ndryshimet klimatike. Lëvizja u frymëzua nga Thunberg, e cila në vitin 2018 filloi të largohej nga shkolla çdo të Premte.
Lexoni: Sot është Protesta Globale e Klimës. Çfarë duhet të bëjmë ne
Musk ka qenë gjithmonë kundër përdorimit të karburanteve fosile dhe ka deklaruar se kompania e tij e automjeteve elektrike, Tesla, është pjesë e vizionit të tij për një botë më të gjelbër.
Musk hoqi dorë gjithashtu nga dy takime me këshillin e Shtëpisë së Bardhë në 2017 pasi Presidenti Trump njoftoi se do të tërhiqte SHBA nga marrëveshja e klimës në Paris.
“Unë po largohem nga këshilli presidencial. Ndryshimi i klimës është i vërtetë. Lënia e Parisit nuk është e mirë për Amerikën dhe botën,” tha Musk në atë kohë.
burimi: BusinessInsider
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
