Elon Musk ka njoftuar krijimin e një start-up-i të ri të inteligjencës artificiale (I.A.) të quajtur xAI. Kompania përfshin inxhinierë nga kompanitë si OpenAI dhe Google.
Musk më parë ka shfaqur shqetësime në lidhje me zhvillimin e AI-së dhe ka kërkuar rregullim në sektor. Qëllimet dhe fokusi i saktë i xAI-së nuk janë ende të qarta. Në faqen e internetit të kompanisë thuhet se synimi i xAI-së është të kuptojë natyrën e vërtetë të universit. Elon Musk u shpreh se start-up-i u krijua për të “kuptuar realitetin”.
Elon ishte një nga sponsorët e parë të OpenAI, i cili më vonë krijoi modelin e gjuhës të njohur ChatGPT, i cili është bërë popullor – shpeshherë me polemika – për përdorime si asistimi i studentëve në shkrimin e detyrave të shtëpisë.Marrëdhënia e Musk me OpenAI është përkeqësuar dhe ai ka kritikuar modelin e gjuhës, ChatGPT-në, për prirjet liberale.
“Çka nevojitet është TruthGPT,” zoti Musk shkroi në Twitter në shkurt.
Lexo:Sfida për të “pastruar” jetën tuaj në 31 ditë
Ai ka kërkuar një organ rregullator për të mbikëqyrur I.A.-në dhe ka shprehur shqetësime në lidhje me të dhënat e përdorura nga kompanitë I.A. Projekti i ri i Musk synon të sjellë dritë në realitet dhe mund të japë hollësi të tjera gjatë një diskutimi në Twitter Spaces.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English