CEO i Tesla-s dhe sipërmarrësi miliarder, Elon Musk, më në fund i është përgjigjur kritikës së Papës Leo XIV lidhur me paketën e re të kompensimit prej 1 trilion dollarësh, duke cituar një varg nga Bibla. Reagimi i Musk ka ndezur një debat global mbi pasurinë, ambiciet korporative dhe moralin. Kontroversia nisi pasi Papa Leo, pontifi i parë me origjinë amerikane, shprehu shqetësimin mbi mundësinë që Musk të bëhet njeriu i parë trilioner në botë.
Në një intervistë për The Crux, Papa Leo tha:
“Dje doli lajmi se Elon Musk do të bëhet trilioneri i parë në botë. Çfarë do të thotë kjo dhe çfarë përfaqëson? Nëse kjo është e vetmja gjë që ka më shumë vlerë sot, atëherë jemi në telashe.” Ai e lidhi paketën e pagës së Musk me rritjen e pabarazisë ekonomike, duke theksuar se drejtuesit e kompanive fitojnë 600 herë më shumë krahasuar me një punonjës mesatar. Pontifi paralajmëroi se këto diferenca përfaqësojnë një zhvendosje të rrezikshme të vlerave shoqërore.
Lexo edhe:Televizioni Italian Rai do të nisë për herë të parë transmetimet në gjuhën arbëreshe
Tesla ka propozuar një plan kompensimi që do t’i japë Musk deri në 423.7 milionë aksione gjatë një dekade. Kryetarja e bordit të drejtorëve të Tesla-s, Robyn Denholm, e ka mbrojtur këtë plan, i cili mund të bëhet më i madhi në historinë e korporatave. Në një intervistë për The New York Times, në selinë inxhinierike të Tesla-s në Kaliforni, Denholm u shpreh se kompensimi i Musk duhet të lidhet me aftësinë e tij për të arritur “qëllime në dukje të pamundura”. Ajo tha se Musk ka treguar se mund të sjellë teknologji që ndryshojnë botën, për sa kohë që ka përpara synime ambicioze – edhe pse kompania po përballet me rënie të shitjeve dhe fitimeve. “Kur përgatit një plan kompensimi, duhet të mendosh çfarë e motivon individin që po përpiqesh të motivohet. Për Elon-in, është të bëjë gjëra që askush tjetër nuk i ka bërë më parë,” tha Denholm.
Pas këtyre kritikave, Musk reagoi duke postuar në X (ish-Twitter) një varg biblik: “Pse e sheh lëvoren në syrin e tjetrit, por nuk vëren trarin në syrin tënd?”
Ky varg u interpretua gjerësisht si një thumb ndaj pasurisë së vetë Vatikanit, e cila vlerësohet të jetë rreth 2 trilionë dollarë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
