Trageti më i madh elektrik, quhet Ellen dhe lundroi për herë të parë midis porteve jugore daneze.
Trageti elektrik është i aftë të transportojë 30 automjete dhe 200 pasagjerë. Ai ushqehet nga një bateri me kapacitet 4.3MWh, prodhuar nga kompania zvicerane e baterive Lekanché.
CEO i Lekanché, Anil Srivastava tha në një deklaratë se, “Gjatë një viti, trageti elektrik do të shmangë lëshimin në atmosferë të 2,000 tonëve dioksid karboni, 42 tonë azot, 2.5 tonë grimca dhe 1.4 tonë dioksid squfuri”.
Trageti është në gjendje t’u ofrojë pasagjerëve një udhëtim të jashtëzakonshëm të këndshëm pa zhurmë, dridhje dhe tymosje.
Anija mund të lundrojë deri në 22 milje detare midis destinacioneve. Tani do të duhet të dëshmojë se mund të sigurojë deri në shtatë udhëtime kthimi në ditë.
Ellen u inagurua duke u vënë në punë dy muaj pasi qeveria daneze përforcoi objektivat e saj për të ulur emetimet në ambient nga 40% në 70% krahasuar me nivelet e 1990. Kjo është një nga politikat mjedisore më ambicioze në botë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
