Teksa Meta ka arritur të rekrutojë disa nga studiuesit më të lartë të OpenAI, një drejtues i lartë i kompanisë së inteligjencës artificiale i ka siguruar punonjësit se lidershipi “nuk ka qëndruar duarkryq”. “Ndjej një tronditje të thellë, sikur dikush të ketë hyrë në shtëpinë tonë dhe të na ketë vjedhur diçka,” shkruan Mark Chen, Drejtor i Kërkimeve në OpenAI, në një mesazh të brendshëm në Slack, të siguruar nga Wired.Në përgjigje të asaj që duket si një ofensivë agresive punësimesh nga Meta, Chen tha se ai, CEO Sam Altman dhe drejtues të tjerë të OpenAI “kanë punuar pa pushim për të komunikuar me ata që kanë marrë oferta pune”, duke shtuar se “po bëhemi më proaktivë se kurrë më parë, po rishikojmë paketat e kompensimit dhe po shqyrtojmë mënyra kreative për të vlerësuar dhe shpërblyer talentin më të mirë”.
Lexo edhe: A mund të vizualizojë inteligjenca artificiale ëndrrat tona?
Gjatë javës së fundit, disa media kanë raportuar për largimin e tetë studiuesve nga OpenAI drejt Metës. Madje edhe vetë Altman është shprehur në një podcast se Meta po ofron “bonuse nënshkrimi deri në 100 milionë dollarë” – një pretendim që drejtuesit e Metës e kanë kundërshtuar brenda kompanisë.
Ky zhvillim nxjerr në pah tensionet në rritje mes dy prej aktorëve më të mëdhenj në garën për dominimin e inteligjencës artificiale, ndërsa betejat për rekrutimin e talenteve po bëhen gjithnjë e më të ashpra.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English