Efekti Brexit i paqartë, dy skenarët si na ndikon ne - Business Magazine Albania

Efekti Brexit i paqartë, dy skenarët si na ndikon ne


Efektet e mundshme të Brexit vlerësohen si një nga rreziqet kryesore ndaj së ardhmes së ekonomisë globale dhe ecurisë së tregjeve financiare.

Paqartësia lidhur me këtë proces ka nxitur një valë pasigurie ekonomike, politike dhe institucionale. Në një skenar pozitiv, marrëveshjet e reja midis Mbretërisë së Bashkuar dhe Bashkimit Europian do të shmangin ngritjen e barrierave ekonomike midis dy rajoneve, duke minimizuar pasojat e këtij tranzicioni.

Banka e Shqipërisë raporton se, në rastin e materializimit të një skenari më negativ, pasojat makroekonomike në vendet e zhvilluara të Europës, mund të jenë të konsiderueshme, ndërkohë që jashtë Europës ndikimi pritet të jetë i kufizuar.

Nga ana tjetër, ngadalësimi i mundshëm ekonomik i rajoneve në zhvillim, veçanërisht pasiguria lidhur me tranzicionin ekonomik të Kinës, përshkallëzimi i konflikteve gjeopolitike dhe efekti negativ i çmimeve të ulëta të naftës në balancat fiskale dhe financiare të disa prej vendeve prodhuese, vazhdojnë të përbëjnë rrezik për perspektivën afatmesme të ekonomisë globale.

Rezultati i referendumit për daljen e Mbretërisë së Bashkuar nga Bashkimi Europian në datën 23 qershor, u shoqërua me luhatshmëri të theksuar në tregjet e kapitalit dhe të këmbimit valutor. Kjo tronditje rezultoi jetëshkurtër dhe një pjesë e mirë e çmimeve u rikuperuan gjatë muajve në vazhdim. Gjithsesi, vendimi për Brexit dhe paqartësia mbi nisjen dhe kohëzgjatjen e procesit (i cili ndodh për herë të parë), ka ndikuar negativisht në pritshmëritë e investitorëve dhe mund të sjellë pasoja për perspektivën ekonomike të Europës dhe atë globale në përgjithësi.

Rreziqet më të drejtpërdrejta dhe më afatshkurtra për aktivet e sistemit financiar, lidhen kryesisht me mundësinë e rënies së vlerës së këtyre aktiveve të investuara në GBP, si rezultat i nënçmimit të monedhës britanike.

Rreziqet më afatgjata dhe më të vështira për t’u përcaktuar lidhen me ndikimin që Brexit mund të ketë në ekonominë e Europës Kontinentale dhe të Mbretërisë së Bashkuar, dhe se si kjo mund të përcillet në marrëdhëniet tregtare me vende të tjera.

Burimi: monitor.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0