Do që të mendosh për “lumturinë” si një ndjenjë që do ta përjetosh pasi të kesh arritur qëllimet e tua, apo si një ndjesi që mund të përjetohet thjesht duke rritur nivelin e hormoneve të lumturisë nëpërmjet eksperiencave pozitive, të qenit mirënjohës/e dhe duke ndërtuar një mënyrë të menduari pozitive dhe me shpresë?
Gjendja e “gëzimit” nuk është gjë tjetër vetëm se “vërshimi” i hormoneve si serotonin, dopamina dhe oksitocina në trupin tonë. Ne mund të “injektojmë” përditë lumturi në trupin dhe trurin tonë duke u fokusuar në arritjen e qëllimeve tona, duke ushqyer dhe mbajtur gjallë marrëdhënie pozitive me njerëzit e dashur, duke përjetuar eksperienca të reja dhe që na bëjnë të lumtur, duke u marrë me sport, duke ndenjur një natyrë dhe duke shkruar apo kujtuar gjërat pozitive që na ndodhin përditë.
Ajo çfarë nuk e kemi ditur deri tani, është që ne mund t’i “prodhojmë” këto hormone nëpërmjet eksperiencave të ndryshme, që mund të mos kenë fare lidhje me qëllimet që duam të arrijmë. Ne mund të fitojmë hormonin e oksitocinës duke dëgjuar muzikën e preferuar, mund të përjetojmë dopaminë duke kujtuar apo folur për ngjarjet e bukura që na kanë ndodhur në jetë, mund të përjetojmë serotonin duke bërë shëtitje në natyrë apo duke kaluar kohë cilësore me njerëzit që duam.
“Lumturia” apo “ndjenja e gëzimit” mund të krijohen nga situata të ndryshme pozitive por është gjithashtu shumë e rëndësishme që njëkohësisht të krijojmë një mendësi pozitive, të mendojmë që gjërat do të bëhen më mirë, që ne jemi shumë më të fortë nga sa e mendojmë, që ne mund t’i arrijmë qëllimet tona.
Truri ynë është i programuar që të mendojë mendimet negative shumë më tepër krahasuar me situatat apo ngjarjet pozitive që na ndodhin gjatë ditës apo jetës. Por teoria e Neuroplasticitetit (që ne mund të krijojmë mënyra të reja të të menduarit) na jep shpresë që ne MUND TA NDRYSHOJMË mënyrën e të menduarit dhe ta kthejmë atë në pozitive.
Ka dy lloje lumturie: Lumturia e natyrshme – lumturia që vjen kur kemi lidhje dashurie pozitive apo kur arrijmë diçka që e kemi dëshiruar shumë, dhe lumturia sintetike – lumturia që ne mund ta krijojmë nëpërmjet eksperiencave të ndryshme gjatë ditës si: mbajtja e një ditari mirënjohje, shëtitja në natyrë apo të shoqëruarit me persona që na duan dhe i duam. Lumturinë mund ta krijojmë edhe kur humbasim gjithçka dhe marrim një rrugëtim të ri, ndryshe nga ai që kishim planifikuar ku ne zbulojmë anë të reja të vetes dhe jetës, të cilat nuk i njihnim më parë.
Shumë njerëz mund të krijojnë mendimin që forma e dytë e lumturisë nuk është “reale” por në fakt truri i përjeton emocionet e lumturisë njësoj në të dyja rastet.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
