Eduaktiv.al, e para platformë krahasuese dhe vlerësuese për Institucionet Arsimore

Eduaktiv.al, e para platformë krahasuese dhe vlerësuese për Institucionet Arsimore


Eduaktiv.al është platformë krahasuese dhe vlerësuese për insitucionet arsimore. E zhvilluar nën kujdesin maksimal të komunitetit, ndërton profilin e institucioneve arsimore në bazë të informacioneve publike, kudo ku janë në mënyrë që informacioni të merret më thjeshtë, të krahasohet, të vlerësohet nga komuniteti e më pas çdokush të dijë të bëjë zgjedhjen e duhur!

Hartuesit thonë se, qëllimi i kësaj platforme është që të sjellë transparencë në sistemin e edukimit përmes informacioneve publike për çdo institucion arsimor, publik apo privat qoftë ai, duke i dhënë të drejtën shoqërisë ta vlerësojë informacionin bazuar në përvojën personale, duke ndihmuar kështu të tjerët në zgjedhjen e tyre.

Themelues të kësaj platforme  janë Pezana Rexha dhe Laert Beshiri.

Nuk është hera e parë që Pezana krijon diçka në të mirë të komunitetit. “Pana – Storytelling Furniture” është sipërmarrja e saj sociale, që punëson persona nga grupe të marxhinalizuara përmes ofrimit të një profesioni dhe një pagese për të bërë të mundur një jetë dinjitoze dhe respektin e duhur për ta në shoqërinë në të cilën jetojmë.

Edhe këtë herë Pezana sjell një platformë në ndihmë të komunitetit, me anë të së cilës, informon dhe ndihmon individët të zgjedhin mes institucioneve arsimore. Eduaktiv nisi me çerdhet dhe kopshtet pikërisht aty ku merren bazat e edukimit dhe krijohet personaliteti i çdo pjestari të shoqërisë.

Tashmë janë të listuara në platformë çerdhet dhe kopshtet e Tiranës dhe po punohet për ato në të gjithë Shqipërinë. Një platformë që vjen falas për të gjithë, e vetmja e këtij lloji në Ballkan, ku janë të listuar të gjithë universitetet në Shqipëri, me të gjitha informacionet e detajuara, duke pasqyruar gjithashtu programet e studimit që ofrohen në vendin tonë, programet Bachelor, Master dhe Doktoratë, secili me profilin specifik të tij. Duhet theksuar se, për herë të parë në çdo program Bachelor është integruar në mënyrë automatike, llogaritja e formulës së maturës.

Ndërkohë duke qenë se ekzistojnë shumë gjimnaze dhe shkolla 9 vjeçare në Shqipëri dhe dihet shumë pak për to, në vazhdim ky është një ndër objektivat thotë Pezana, “informacioni i detajuar për çdo shkollë pa lënë vlerësimet e prindërve mënjanë”. Eduaktiv gjithashtu ju ofron mundësinë që të bëheni një vullnetar, të ndani kohën, talentin dhe pasionin me një komunitet që po rritet çdo ditë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0