Ai tregon në një intervistë për BusinessMag.al se në qendrën e tij turistike merret me hiking në Parkun Kombëtar të Llogarasë, vizita në Gjirin e Karaburunit dhe ishullin e Sazanit, si dhe hedhje me parashuta. Për krijimin e kësaj sipërmarrje, Edisoni është ndikuar nga turistët e shumtë që ka Jugu i Shqipërisë. Synimi i tij është që të promovojë bukuritë e vendit në sytë e turistëve.
“Turistët nga bota janë të shumtë dhe kanë mbetur të mrekulluar nga bukuritë e Shqipërisë. Edhe vendasit janë eksplorues të natyrës dhe jam munduar që ndërkohë që bëj biznes, t’ju servir atyre pamjet e mrekullueshme të Jugut”.
Biznesi i tij i ri dita ditës ka ardhur duke u rritur dhe ai thotë se kjo kjo është pasojë e punës së tij të pa lodhur.
Lexo: Ajten Babani, gruaja që drejton sipërmarrjen me makina të tonazhit të rëndë
Për Edisonin nisja e sipërmarrjes kishte probleme që lidhen me zonën, pozicionimin e biznesit. Madje, ka vështirësi që po e shoqërojnë edhe sot, si furnizimi me energji elektrike. Shpesh i duhet tëpërdorë gjeneratorin. Shqetësim për të është edhe mungesa e pastërtisë, aspak e kënaqshme për syrin e turistëve.
Por, vendi ku punon është favorizues, sepse është pikëndalesa e të gjithëve. Granti nga projekti IDEA ka qenë ndihmësi i parë financiar i tij, ndërsa sot po vetëfinancon biznesin e tij, pasi të ardhurat janë në rritje. Në të ardhem, ai synon që të të krijojë edhe një pikë tjetër të ngjashme në Orikum.
Për të turizmi është faktor kyç në ekonominë e vendit dhe përveç përfitimeve financiare, Edisoni dëshiron të promovojë bukuritë e vendit në mënyrën më të mirë të mundshme.
“Your holidays, our passion”, është ky slogani i punës së tij.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
