Në një postim në Facebook kryeministri i vendit Edi Rama njofton hapjen e prenotimeve për fluturimet e riatdhesimit që nisin të shtunën nga Roma.
Paketa do të jetë 100Euro për fluturimin, që do të paguhen nga personi dhe 21 euro në ditë për akomodimin 14 ditor në hotel. Prej të cilave 14 Euro do të mbulohen nga qeveria për fjetjen e shërbimin me standardet AntiCovid-19. Ndërsa vetëm 7 Euro do të paguhen nga personi për ushqimin.
“Besoj se kjo paketë është mëse e arsyeshme. Falenderoj Air Albania dhe operatorët turistikë për mirëkuptimin dhe kontributin e tyre”, u shpreh kryeministri.
Gjithashtu ai shtoi, se çmimi i biletës do të variojë sipas destinacioneve, ndërsa pagesa e hotelit karantinë do të jetë fikse për të gjithë natyrisht.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
