Kryeministri Edi Rama ka bërë të ditur faljen e mbi 9 mijë gjobave që Policia e Shtetit ka vendosur gjatë situatës së jashtëzakonshme. Rama bëri të ditur se bëhet fjalë për 7 mijë gjoba për këmbësorët dhe gati 2 mijë gjoba për drejtues automjetesh.
“Janë vendosur deri tani 7107 gjoba për këmbësorët dhe 1941 gjoba për drejtues automjeti, të cilat janë shoqëruar me pezullim të lejes së drejtimit për tre vite dhe bllokim të makinës. Ne sot kemi vendosur mos ekzekutimin e këtyre gjobave dhe kthimin e të gjitha patentave dhe të gjitha mjetet e bllokuara. Javën e ardhshme me hyrjen në fuqi të Kodit të ri Penal le të startojnë të gjithë të barabartë”, u shpreh kryeministri i vendit.
“Nga nesër, deri në orën 11:00 të gjithë pensionistët mund të dalin nga banesa, askush tjetër. “Nesër pensionistët do të mund të dalin, jo për vizita as për domino, as për ulje në grup, por për ajrore, por për ecje deri në orën 11:00 paradite, jo më shumë se një tjetër pensionist, por duke ruajtur distancën”, – tha kryeministri Edi Rama.
Ndërsa lejet për punët e lejuara do të merren javore. Gjithashtu javën e ardhshme do të lejohen dhe lëvizjet me automjet për arsye shëndetësore. “Javën e ardhshme në platformën e-Albania do të merret autorizim javor për ata, që janë në punët e lejuara dhe automjeti mund të lëvizë për vajtje-ardhje. Kush merr leje duhet ta lexojë mirë pasojën penale që vjen. Ne do të bëjmë që nesër, mbase që sot mbasdite, një test dhe do të provojmë mirëfunksionimin e këtij instrumenti”, tha kreu i qeverisë.
“Javën e ardhshme do të punojnë krejt lirisht, brenda fashës së përcaktuar, të gjitha ata që nga nesër paradite do të jenë në kategoritë e lejuara që do të publikohen në faqen e e-Albania. Të gjitha bizneset në këto kategori duhet të sigurohen që në çdo kolektiv të mësohet se cilat janë detyrat dhe të respektohet protokolli i sigurisë sipas rregullave të përcaktuara, por edhe të mësojnë pasojat penale për shkelësit e këtyre rregullave”, bëri me dije Edi Rama.
“Javën e ardhshme duhet të fillojmë të përgatitemi për t’u hapur të gjitha kategoritë që do të hapen më 27 prill. Nga java e ardhshme, pasojat e shkelësve për rregullat, në radhë të parë për lokalet e trimave të lagjes që hapen fshehurazi do të jenë maksimale”, shtoi kryeministri.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English