Edhe puna ka limit! Elon Musk është i lodhur nga rutina e tij

Edhe puna ka limit! Elon Musk është i lodhur nga rutina e tij


“Burning out” është një ndjesi që Musk e ka përjetuar gjatë gjithë viteve të punës së tij. Në Gusht të vitit 2018 ai tha për The New York Times se ka punuar edhe 120 orë në javë. 

Kjo është rreth tre herë më shumë se mesatarja kombëtare e javës së punës në sektorin privat prej 34.4 orësh, sipas Byrosë së Statistikave të Punës. Ekspertët mendojnë se kjo është një lloj etike pune e rrezikshme.

“Ka patur raste kur unë nuk jam larguar nga fabrika për tre apo katër ditë”, thotë CEO i Tesla dhe SpaceX. “Kjo më ka penguar të takoj fëmijët dhe miqtë”.

Silicon Valley duket sikur e lartëson punën me orar të zgjatur, por sipas Musk, kjo formë i ka marrë shumë kohë nga jeta e tij. Ai ka treguar se thuajse çdo ditëlindje e ka kaluar në punë dhe nuk ka marrë pushime verore që prej vitit 2001. Përveç kësaj, ai ka edhe probleme me gjumin: “Ndonjëherë gjumi është thjesht një zgjedhje”, thotë Musk.

CEO i dy kompanive të mëdha, njihet për rutinën e tij intensive. Kohë më parë, Inc ka shkruar se si CEO, Musk injoron shumë telefonata, nuk ngec me email-e të pafundme dhe e ndan gjithë ditën e tij në 5 intervale. Gjithsesi, ai kalon 120 orë në javë në kompaninë e tij.

Sipas Qendrave për Kontrollin dhe Parandalimin e Sëmundjeve, puna me orar të zgjatur është e lidhur me çdo gjë, nga sëmundjet kardiovaskulare te kanceri.

Tendenca për të punuar shumë njihet si një “traditë” e amerikanëve. Ndërsa vdekjet nga puna e tepërt janë një problem i pranishëm në Japoni, ndryshe e njohur si karoshi. Kjo epidemi e ka shtyrë qeverinë japoneze të bëjë hapa për të mbrojtur qytetarët nga puna me orar të zgjatur.

Të punosh shumë nuk është vetëm e papërshtatshme për familjen tuaj apo një veprim që nxitet nga mendimi i kolegëve, por është e rrezikshme për shëndetin tuaj.

/BusinessInsider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0