A e blejnë paratë lumturinë? - Business Magazine Albania

A e blejnë paratë lumturinë?


Të shpenzosh para për objekte të ndryshme është argëtuese, por objektet materiale nuk kanë ndonjë efekt të madh te lumturia personale. Sipas Shawn Achor, autori i librit The Happiness Advantage, “paraja mund ta blejë lumturinë, por vetëm nëse përdoret për të bërë gjëra jo thjesht për të blerë gjëra.”Si mund të na bëjë paraja më të lumtur? Achor sugjeron t’i shpenzoni paratë për këto gjëra:

  • Për ekperiencë, e cila prodhon emocione pozitive që janë më domethënëse dhe zgjasin
  • Për njerëz të tjerë, kjo gjë na bënë akoma dhe më të lumtur se sa të harxhojmë para për veten tonë (sidomos kur shpenzon para për të kaluar eksperienca me njerëz të tjerë)

Studimet kanë treguar se “paratë që shpenzohen për aktivitete – si për shembull koncerte dhe darka në grup – sjellin më shumë kënaqësi se blerjet materiale si këpucët, televizor apo ora të shtrenjta”.

Në fund të studimit, pjesëmarrësit të cilëve iu tha të shpenzonin paratë e dhëna për njerëz të tjerë (për shembull, të blenin një lodër për motrën e vogël, t’i paguanin drekën një miku apo ti dhuronin për bamirësi) ishin më të lumtur në fund të ditës se sa ata të cilëve iu tha t’i shpenzonin paratë e dhëna për veten e tyre.

Si mund ta përdorni këtë studim në avantazhin tuaj? Achor sugjeron të krijoni një buxhet personal:

1. Ndani shpenzimet mujore në dy kolona: “të kesh” dhe “të bësh”

2. Në fund të çdo muaji, rishikoji të dyja listat, dhe mendo sa lumturi të kanë ofruar dhe sa ka zgjatur kjo e fundit.

Në fund të ditës, Achor sugjeron se iu mund të dëshironi t’i rivendosni paratë e shpenzuara për “të kesh” në kolonën tjetër “të bësh”, sidomos pasi ta keni kuptuar sa shumë lumturi dhe kuptim i japin eksperiencat jetës tuaj”.

Sipas mendimit tim, paraja është thjesht një mjet – asgjë më shumë. Është e rëndësishme të vlerësoni jo vetëm mënyrën se si i shpenzoni paratë , por gjithashtu si kontribon kjo e fundit në lumturinë tuaj. Paraja nuk do të jetë kurrë në gjendje të blejë lumturinë totalisht, por kur ju e përdorni atë si një mjet për t’u argëtuar me njerëz të tjerë dhe për të përjetuar eksperienca të reja, padyshim që ajo do t’iu ndihmojë.

/Alifeofproductivity

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0